ഷാർജ: ഇന്ദിരാ ഗാന്ധിയുടെ രക്തസാക്ഷി ദിനത്തോട് അനുബന്ധിച്ച് ഷാർജ ഇൻകാസ് അനുസ്മരണ സമ്മേളനം സംഘടിപ്പിച്ചു. യുവതലമുറ അറിയേണ്ടതും സ്വായത്തമാക്കേണ്ടതുമായ ഇന്ദിരാ ഗാന്ധിയുടെ ജീവചരിത്രത്തെ കുറിച്ച് അനുസ്മരണ സമ്മേളനത്തിൽ പങ്കെടുത്തവർ സംസാരിച്ചു.പുഷ്പ്പാർച്ചനക്ക് ശേഷം നടന്ന സമ്മേളനം ഷാർജ ഇന്ത്യൻ അസോസിയേഷൻ പ്രസിഡൻ്റ് ഇ പി ജോൺസൺ ഉൽഘാടനം ചെയ്തു.
ഷാർജ ഇൻകാസ് പ്രസിഡൻ്റ് അഡ്വ: വൈ എ റഹീം അധ്യക്ഷത വഹിച്ച ചടങ്ങിൽ ഷാർജ ഇന്ത്യൻ അസോസിയേഷൻ ട്രഷറർ കെ ബാലകൃഷ്ണൻ യു എ ഇ ഇൻകാസ് ആക്ടിംങ്ങ് പ്രസിഡൻ്റ് ടി എ രവീന്ദ്രൻ, ജനറൽ സെക്രട്ടറി പുന്നക്കൻ മുഹമ്മദലി, ഇൻകാസ് നേതാക്കളായ ബിജു എബ്രഹാം, മാത്യു ജോൺ, മനാഫ്, അബ്ദുൽ മജീദ്, എസ് എം ജാബിർ, തുടങ്ങിയവർ സംസാരിച്ചു.നാരായണൻ നായർ സ്വാഗതവും എബ്രഹാം ചാക്കോ നന്ദിയും രേഖപ്പെടുത്തി.
