അബുദാബി ആരോഗ്യ മേഖലയിൽ 5 വർഷത്തിനിടെ 10,000 സ്വദേശികൾക്ക് ജോലി നൽകാൻ പദ്ധതി. സ്വകാര്യ മേഖലയിൽ സ്വദേശികൾക്ക് സുരക്ഷിത ജോലി ഉറപ്പാക്കുന്ന തിനായി രൂപീകരിച്ച നാഫിസ് പദ്ധതിയിലൂടെയാണിത് സാധ്യമാക്കുക. നഴ്സിങ് ഉൾപ്പെടെ മെഡിക്കൽ രംഗത്തേക്ക് കൂടുതൽ സ്വദേശികളെ എത്തിക്കുകയാണ് ലക്ഷ്യം. ഇതിനായി സ്കോളർഷിപ് അടക്കം ആനുകൂല്യങ്ങൾ നൽകുമെന്ന്  ഇമാറാത്തി ടാലന്റ് കോംപറ്റിറ്റീവ്നസ് കൗൺസിൽ സെക്രട്ടറി ജനറൽ ഗന്നം അൽ മസ്റൂഇ അറിയിച്ചു. ഹെൽത്ത്‌കെയർ അസിസ്റ്റന്റ്, എമർജൻസി മെഡിസിനിൽ ഡിപ്ലോമ, നഴ്‌സിങിൽ ബിരുദം എന്നീ കോഴ്സുകൾക്കു ശേഷം ആരോഗ്യപരിപാലന സ്ഥാപനങ്ങളിലെ പരിശീലനത്തിലൂടെ സ്വദേശികളെ സജ്ജരാക്കിയാണ് ജോലിയിൽ നിയമിക്കുക.  ആരോഗ്യരംഗത്തു സ്വദേശിവൽക്കരണം ശക്തമായാൽ ഈ മേഖലയിൽ ഏറ്റവും കൂടുതലുള്ള മലയാളികളുടെ തൊഴിൽ സാധ്യതയ്ക്കും മങ്ങലേൽക്കും. ഇതേസമയം യുഎഇയിൽനിന്ന് മലയാളികളടക്കം ഒട്ടേറെ നഴ്സുമാർ വിദേശ രാജ്യങ്ങളിലേക്കു കുടിയേറുന്നതും കൂടുകയാണ്.

ആരോഗ്യകരമായ ജീവിത ശൈലിയിലേക്ക് ജനങ്ങളെ ആകർഷിക്കുന്ന ആക്റ്റീവ് പാർക്ക് പദ്ധതിയിൽ സൗജന്യ ഫിറ്റ്നസ് ക്ലാസുകൾ വാഗ്ദാനം ചെയ്ത് അബുദാബി. അൽഐ നിലും അബുദാബിയിലുമായി 12 പൊതു പാർക്കുകളിലാണ് കായിക ക്ഷമത വീണ്ടെടുക്കുന്നതിനുള്ള പരിശീലനം നൽകുന്നത്. 4 ആഴ്ച നീളുന്ന സൗജന്യ പരിശീലനത്തിൽ 12 പാർക്കുകളിലായി 380 ക്ലാസുകളുണ്ടാകും. കമ്യൂണിറ്റി ഡവലപ്‌മെന്റ് ഡിപ്പാർട്ട്‌മെന്റിന്റെ സഹകരണത്തോടെ അബുദാബി സ്‌പോർട്‌സ് കൗൺസിലാണ് പരിശീലനം സംഘടിപ്പിക്കുന്നത്. നാളെ മുതൽ ജനുവരി 26 വരെയാണ് പരിശീലനം. 15 വയസ്സിനു മുകളിലുള്ള ആർക്കും പങ്കെടുക്കാം. ഡാൻസ് ഫിറ്റ്, റൺ ഫിറ്റ്, ബൂട്ട് ക്യാംപ്സ്, ക്രോസ് ഫിറ്റ്, യോഗ എന്നിങ്ങനെ വ്യത്യസ്ത കായിക വിനോദപരിപാടികളാണ് ഇതിനായി ഒരുക്കിയിരിക്കുന്നത്. അബുദാബിയിൽ ഖലീഫ സിറ്റി പാർക്ക് മൂന്ന്, ഷെയ്ഖാ ഫാത്തിമ പാർക്ക്, ഡോൾഫിൻ പാർക്ക്, എംബിഇസെഡ് പാർക്ക്, അൽ ഖലീജ് അൽ അറബി പാർക്ക്, ഇലക്‌ട്രാ പാർക്ക്, അൽ ഷംഖ പാർക്ക് നാല്, അൽദഫ്ര മേഖലയിലെ മദീനത്ത് സായിദ്, അൽ റുവൈസ് പാർക്ക് 2, അൽ മിർഫ നാഷണൽ പാർക്ക്, അൽഐനിലെ അൽ ജാഹിലി, അൽ തൊവയ്യ പാർക്ക് എന്നിവിടങ്ങളിലാണ് സൗജന്യ ക്ലാസുകൾ.ജനങ്ങളുടെ ശാരീരിക, മാനസിക ആരോഗ്യം മെച്ചപ്പെടുത്താൻ ആഴ്ചയിൽ 150 മിനിറ്റ് കായിക വിനോദ പരിപാടികളിൽ പങ്കെടുക്കണ മെന്നാണ് ലോകാരോഗ്യ സംഘടനയുടെ നിർദേശം. കായിക ക്ഷമതവീണ്ടെടുക്കാൻജനങ്ങളെപ്രോത്സാഹിപ്പിക്കുന്നതിന്റെ ഭാഗമായാണ് സൗജന്യ പരിശീലനമെന്ന് അബുദാബി സ്പോർട്സ് കൗൺസിൽ അറിയിച്ചു.

ദുബായിൽ ∙ നാലര പ്രവൃത്തിദിനങ്ങളിൽ തിങ്കൾ മുതൽ വ്യാഴം വരെ രാവിലെ 8 മുതൽ വൈകിട്ട് 5 വരെ 9 മണിക്കൂറായിരിക്കും ജോലി സമയമെന്ന് ദുബായ് ചേംബർ അറിയിച്ചു.വെള്ളിയാഴ്ചകളിൽ രാവിലെ 8 മുതൽ ഉച്ചയ്ക്കു 12 വരെ 4 മണിക്കൂർ. ഷാർജ ഒഴികെയുള്ള എമിറേറ്റുകൾ ജനുവരി മുതലാണ് നാലര പ്രവൃത്തി ദിനങ്ങളും രണ്ടര അവധി ദിനങ്ങളും എന്ന പുതിയ ക്രമത്തിലേക്ക് മാറുന്നത്.

അബുദാബിയിൽ കോവിഡ് നിയന്ത്രണങ്ങൾ കർശനമാക്കിയ സൗജന്യ പിസിആർ പരിശോധനയ്ക്ക് എത്തുന്നവരുടെ എണ്ണത്തിൽ വൻ വർധന. തമൂഹ്...