അബുദാബി: അബുദാബിയിൽ ഇവന്റുകളിലേക്കും എക്സിബിഷനുകളിലേക്കും പ്രവേശിക്കാനുള്ള കോവിഡ് മാർഗ്ഗനിർദ്ദേശങ്ങൾ പുതുക്കിയത് ഇന്ന് മുതൽ പ്രബല്യത്തിൽ ആയി .അബുദാബിയിൽ ബിസിനസ്, വിനോദം, കായികം എന്നിവയുമായി ബന്ധപ്പെട്ട ഇവന്റുകളിലേക്കും എക്സിബിഷനുകളിലേക്കും പ്രവേശിക്കാനുള്ള കോവിഡ് മാർഗ്ഗനിർദ്ദേശങ്ങൾ പുതുക്കിയതായി അബുദാബി എമർജൻസി, ക്രൈസിസ് ആൻഡ് ഡിസാസ്റ്റേഴ്സ് കമ്മിറ്റി ഇന്നലെ അറിയിച്ചിരുന്നു.ഇതനുസരിച്ച് ഇവിടങ്ങളിലേക്ക് പ്രവേശിക്കാൻ അൽഹോസ്ൻ ആപ്പിൽ ഗ്രീൻ സ്റ്റാറ്റസും 96 മണിക്കൂറിനുള്ളിൽ എടുത്ത നെഗറ്റീവ് പിസിആർ പരിശോധനാ ഫലവും ഉണ്ടായിരിക്കണം. മാസ്ക് ധരിക്കുന്നതടക്കം മറ്റ് കോവിഡ് മാർഗ്ഗനിർദ്ദേശങ്ങൾ പാലിക്കുകയും വേണം.
