മുംബൈ: കോവിഡ് -19 ന്റെ പശ്ചാത്തലത്തിൽ ദീർഘാനാളായി അടച്ചിട്ടിരുന്ന തിയ്യേറ്ററുകൾ നീണ്ടകാലത്തിനുശേഷം തുറക്കുമ്പോൾ ഹോളിവുഡിലെ പല ബിഗ്ബജറ്റ് ചിത്രങ്ങൾക്കും ഇന്ത്യയിലും കൂടി റിലീസ് സാധ്യമാവുകയാണ്. സിനിമ ആസ്വാദകർക്ക് തിയ്യേറ്റർ അനുഭവം തിരിച്ചുവരികയാണ്. ദീപവളിയോട് അനുബന്ധിച്ച് നവംബർ 5-ന് മാർവെൽ എറ്റെർനാൾസ് തിയ്യേറ്ററിലെത്തും.
മാർവെൽ, ഡിസ്‌നി,20th സെഞ്ച്വറി സ്റ്റുഡിയോസ് തുടങ്ങിയവ ഇന്ത്യയിൽ റിലീസിനൊരുങ്ങുന്ന തിയ്യതികൾ പ്രഖ്യാപിച്ചു. 2021-ന്റെ അവസാനം സിനിമ പ്രേമികളുടെ കാത്തിരിപ്പ് സഫലമാക്കുകയാണ്.
തോർ : ലവ് ആൻഡ് തണ്ടർ, ബ്ലാക്ക് പന്തർ :വക്കണ്ട ഫോർ എവർ, വെസ്റ്റ് സൈഡ് സ്റ്റോറി തുടങ്ങിയവയും. അനിമറ്റഡ് സിനിമകളായ എൻകട്ടോ, റോൻസ് ഗോൺ റോങ് എന്നിവയും വൈകാതെ തിയ്യേറ്ററുകളിലെത്തും.
