ദുബായ്: ലോക രാജ്യങ്ങളിലേക്കുള്ള കോവിഡ് വാക്സിൻ വിതരണം സുഗമമാക്കാൻ കാർഗോ ഹബ് ഒരുക്കി എമിറേറ്റ്‌സ് സ്കൈ കാർഗോ. ദുബായ് എമിറേറ്റ്‌സ് സ്കൈ സെൻട്രൽ ഡി.ഡബ്‌ള്യു.സി. കാർഗോ ടെർമിനൽ കേന്ദ്രീകരിച്ചാണ് പ്രവർത്തനങ്ങൾ നടത്തുക. അന്തർദേശീയ തലത്തിൽ വാക്സിൻ വിതരണം എളുപ്പത്തിലാക്കാൻ എമിറേറ്റ്‌സ് പ്രത്യേക റാപ്പിഡ് റെസ്‌പോൺസ് സംഘത്തെയാണ് ചുമതലപ്പെടുത്തിയിരിക്കുന്നത്.
ദുബായിലെ അടിസ്ഥാനസൗക-ര്യങ്ങളും സാങ്കേതിക സംവിധാനങ്ങളും വാക്സിൻ വിതരണം കാര്യക്ഷമമാക്കൻ സഹായിക്കുമെന്ന് എമിറേറ്റ്‌സ് എയർലൈൻ ഗ്രൂപ്പ് ചെയർമാനും ചീഫ് എക്സിക്യുട്ടീവുമായ ശൈഖ് അഹമ്മദ് ബിൻ സായിദ് അൽ മഖ്തും പറഞ്ഞു.
