അബുദാബി: ഇത്തിഹാദ് എയർവേയ്‌സ് ‘വെരിഫൈഡ് ടു ഫ്ലൈ’ ട്രാവൽ ഡോക്യുമെന്റ് സംരംഭം ആഗോള നെറ്റ്‌വർക്കിലുടനീളമുള്ള റൂട്ടുകളിലേക്ക് വിപുലീകരിച്ചു. ഇതോടെ വിമാനത്താവളത്തിൽ എത്തുന്നതിനുമുമ്പ് കോവിഡ് -19 യാത്രാ രേഖകൾ സാധൂകരിക്കാൻ യാത്രക്കാരെ പ്രാപ്തരാക്കുന്നു.
ഈ സേവനം ഭൂരിഭാഗം ഇത്തിഹാദ് ഫ്ലൈറ്റുകളിലും ലഭ്യമാണ്. ഇത് ഉപയോഗിക്കുന്നതിന് യാത്രക്കാർ “മാനേജ് മൈ ബുക്കിംഗ് ” സന്ദർശിക്കുകയും, സൈൻ അപ്പ് ചെയ്തശേഷം ലളിതമായ നിർദ്ദേശങ്ങളനുസരിച്ച് അവരുടെ യാത്രാ രേഖകൾ അപ്‌ലോഡ് ചെയുകയും സമർപ്പിക്കുകയും വേണം.
സർക്കാർ ആവശ്യങ്ങൾക്കനുസൃതമായി അതിഥികൾക്ക് അവരുടെ രേഖകൾ അംഗീകരിച്ചുകഴിഞ്ഞാൽ സ്ഥിരീകരണം ലഭിക്കും. വെരിഫൈഡ് ടു ഫ്ലൈ ഡെസ്ക് വഴി രേഖകൾ പരിശോധിച്ച യാത്രക്കാർ വിമാനത്താവളത്തിൽ അതിവേഗ ട്രാക്ക് ചെക്ക്-ഇൻ ആസ്വദിക്കുന്നു.
ജൂണിൽ ആരംഭിച്ച പുതിയ സേവനം വിജയകരമാണെന്ന് യാത്രക്കാരെ യാത്രയിൽ സഹായിക്കുന്നതിലൂടെ തെളിയിച്ചിട്ടുണ്ട്. സർക്കാരിന്റെ കോവിഡ് -19 അനുബന്ധ യാത്രാ നിയമങ്ങൾ പാലിക്കാൻ ആവശ്യമായ രേഖകൾ ഉണ്ടെന്ന് യാത്രക്കാർക്ക് ഈ സേവനം ആത്മവിശ്വാസം നൽകുന്നു.
മൂന്നാം കക്ഷി പങ്കാളിത്തമില്ലാതെ യാത്രക്കാർ തങ്ങളുടെ ഡാറ്റ എയർലൈനുമായി മാത്രം പങ്കിടുന്നു എന്നതാണ് ഇത്തിഹാദിന്റെ വെരിഫൈഡ് ടു ഫ്ലൈ പ്രോഗ്രാമിന്റെ ഒരു പ്രധാന നേട്ടം.
വെരിഫൈഡ് ടു ഫ്ലൈ ഉപയോഗിക്കുന്നവർ എയർപോർട്ടിൽ ചെക്ക് ഇൻ ചെയ്യുമ്പോൾ അതിവേഗ ട്രാക്ക് അനുഭവം ലഭിക്കുന്നതുകൊണ്ട്, അതിഥികളിൽ വളരെയധികം പ്രചാരം നേടിയിട്ടുണ്ടെന്നും, ഈ പ്രക്രിയയിൽ നിന്ന് അതിഥികൾ വിമാനത്താവളത്തിൽ എത്തുമ്പോൾത്തന്നെ എല്ലാ കോവിഡ്-19 യാത്രാ ആവശ്യകതകളും നിറവേറ്റിയെന്ന ഉറപ്പിനെ യാത്രക്കാർ വിലമതിക്കുന്നുവെന്നും ഇത്തിഹാദ് എയർവേയ്‌സിലെ ഗ്ലോബൽ എയർപോർട്ട്‌സ്, നെറ്റ്‌വർക്ക് ഓപ്പറേഷൻസ് വൈസ് പ്രെസിഡന്റായ ജോൺ റൈറ്റ് പറഞ്ഞു.
“യാത്രക്കാർക്ക് വെല്ലുവിളി നിറഞ്ഞ സമയമായതിനാൽ, ഞങ്ങളുടെ അതിഥികളുടെ യാത്രകൾ കഴിയുന്നത്ര ലളിതമാക്കുന്നതിനുള്ള ഒരു പ്രധാന സംരംഭമാണിത്” എന്ന് അദ്ദേഹം കൂട്ടിച്ചേർത്തു.
