ലോകത്തെ വിസ്മയിപ്പിക്കുന്ന ദുബായ് എക്സ്പോ 2020 യിൽ സന്ദർശകരേറുന്നു .ഒരാഴ്ച്ചയ്ക്കിടെ 50000 ത്തിലധികം സന്ദർശകരാണ് എത്തിയത്.വാരാന്ത്യ അവധി ദിനത്തിൽ സന്ദർശക പ്രവാഹമായിരുന്നു .വാക്സിൻ എടുത്തവരല്ലെങ്കിൽ പിസി ആർ ടെസ്റ്റ് എടുത്ത ശേഷം മാത്രമാണ് പ്രവേശനം അനുവദിക്കുക .രാവിലെ10 മണിമുതൽ രാത്രി 12 മണി വരെയാണ് പ്രവർത്തനസമയം .193 രാജ്യങ്ങളുടെ സാന്നിധ്യ മുള്ള എക്സ്പോ 2022 മാർച്ച് 31 നാണ് സമാപിക്കുക
അബുദാബി കിരീടാവകാശിയും യു.എ.ഇ. സായുധസേന ഉപസർവ സൈന്യാധിപനുമായ ശൈഖ് മുഹമ്മദ് ബിൻ സായിദ് അൽ നഹ്യാൻ എക്സ്പോ 2020-യിലെ ഐക്യരാഷ്ട്രസഭാ സെന്ററിൽ സന്ദർശനം നടത്തി. ഓപ്പർച്യുണിറ്റി പവിലിയനിലുള്ള യു.എൻ. സെന്ററിൽ അന്താരാഷ്ട്രതലത്തിൽ സ്വകാര്യ-പൊതുമേഖലകളുടെ പങ്കാളിത്തത്തിൽ നടപ്പാക്കുന്ന ഒട്ടേറെ പദ്ധതികളെക്കുറി ച്ചുള്ള പ്രദർശനവും ശില്പശാലകളും അദ്ദേഹം വിലയിരുത്തി. ജലം, ഭക്ഷണം, ഊർജം എന്നിവയുമായി ബന്ധപ്പെട്ടവയാണ് യു.എൻ. അവതരണങ്ങൾ. ലോകത്തിന്റെ ആവശ്യകത നിറവേറ്റുന്നതിന് സംവിധാനങ്ങൾ സജ്ജമാക്കേണ്ടുന്നതിന്റെ ആവശ്യകത പ്രതിനിധിസംഘം വിശദീകരിച്ചു. കഷ്ടതയനുഭവിക്കുന്ന സമൂഹത്തിനുവേണ്ടിയുള്ള മാനവികതയുടെ കൈകോർക്കൽ ആവശ്യമാണെന്ന് പ്രദർശനം അടയാളപ്പെടുത്തുന്നു
