ദുബായ് : ലോകത്തിലെ ഏറ്റവും വലിയ സ്വിങ്റൈഡ് ഒരുക്കി ദുബായ് ബോളിവുഡ് പാർക്ക്. കൂടാതെ ബോളിവുഡ് സ്കൈ ഫ്ലയർ പോലുള്ള പുത്തന് റൈഡുകളും ഒരുക്കിയിട്ടുണ്ട്. നവീകരിച്ച പാർക്ക് ജനുവരി 21 മുതൽ അതിഥികൾക്കായ് ഒരുക്കിയിരിക്കുന്നു.
ഇന്ത്യൻ സ്റ്റൈൽ ഓർമ്മപ്പെടുത്തും വിധത്തിലുള്ള സജ്ജീകരണങ്ങളാൽ നിറഞ്ഞ പാർക്ക് കുട്ടികളുടേയും കുടുംബങ്ങളുടേയും വിനോദകേന്ദ്രങ്ങളിലൊന്നാണ്. വീൽ ഓഫ് സ്റ്റാർസ്, 55 മീറ്റർ ഫെറിസ് വീൽ, ടാക്സി നമ്പർ-1, 88മീറ്റർ ഫാമിലി റോൾകോസ്റ്റർ, റോഡിയോ കി സവാരി, മുതലായവ ആകർഷകങ്ങളാണ്.
പ്രദേശത്തെ ആദ്യത്തെ വുഡൻകോസ്റ്റർ, ബോംബെ എക്സ്പ്രസ് തുടങ്ങിയ പാർക്കിലെ ഈ വർഷത്തെ പ്രത്യേക റൈഡുകൾ വേൾഡ് റെക്കോർഡ് കരസ്ഥമാക്കാൻ സാധ്യതയുള്ളവയാണ്. ഫെബ്രുവരി 10 വരെ സന്ദർശകർക്ക് 275ദിർഹം ടിക്കറ്റ് എടുത്താൽ ഒരു ടിക്കറ്റ് സൗജന്യമായി ലഭിക്കുന്നതായിരിക്കും.
