യു.എ.ഇ എക്സ്ചേഞ്ച് മെട്രോ സ്റ്റേഷൻ ഇനി മുതൽ ലൈഫ് ഫാർമസി മെട്രോ സ്റ്റേഷൻ

ദുബായ് :യു‌എഇ എക്സ്ചേഞ്ച് മെട്രോ സ്റ്റേഷന്റെ പേര് ലൈഫ് ഫാർമസി മെട്രോ സ്റ്റേഷൻ എന്ന് പുനർനാമകരണം ചെയ്യുമെന്ന് റോഡ്സ് ആൻഡ് ട്രാൻസ്പോർട്ട് അതോറിറ്റി അറിയിച്ചു. പേരിടുന്നതിനുള്ള
10 വർഷത്തെ കരാറാണ് ലൈഫ് ഫാർമസിക്ക് ആർ.ടി.എ നൽകിയിട്ടുള്ളത്.ഈ മാസം മുതൽ ഓഗസ്റ്റ് അവസാനം വരെയുള്ള സമയങ്ങളിൽ മെട്രോ സ്റ്റേഷനുകളിലെ എല്ലാ ദിശാ സൂചനകളും ആർ‌.ടി.എ പരിഷ്കരിക്കുകയോ പുനർനാമകരണം നടത്തുകയോ ചെയ്യും. ആർ‌.ടി.എയുടെ സ്മാർട്ട് ഡിജിറ്റൽ സംവിധാനങ്ങൾ, പൊതുഗതാഗത ആപ്ലിക്കേഷനുകൾ, ഓൺ‌ ബോർഡ് ഓഡിയോ അറിയിപ്പുകൾ എന്നിവയിലും പുതിയ പേര് ഉൾപ്പെടുത്തും.ലൈഫ് ഫാർമസി ഗ്രൂപ്പും ഹൈപർ മീഡിയയും തമ്മിൽ ഇതുസംബന്ധിച്ച കരാറിൽ ഒപ്പുവച്ചു. മാഡ മീഡിയയും ആർ‌.ടി.എയും തമ്മിലുള്ള കൺസെഷൻ കരാറിന് കീഴിൽ ആർ‌.ടി.എ നിയമിച്ച അംഗീകൃത കൺസെഷണറേറ്റ് എന്ന നിലയിൽ മാഡ മീഡിയയും ഇതിൽ പങ്കെടുത്തു