ഷാർജ : കൃത്യമായി ട്രാഫിക് നിയമങ്ങൾ പാലിക്കുന്നവരെ കണ്ടെത്തി പോത്സാഹിപ്പിക്കാൻ ഷാർജ പൊലീസ്. അറബ് സ്വദേശി മുഹമ്മദ് മുൽഹമിനെ തേടിയാണ് കഴിഞ്ഞ ദിവസം ഷാർജ പൊലീസിന്റെ പോത്സാഹന സമ്മാനം എത്തിയത്.
തിരക്കേറിയ അൽതാവൂൻ റോഡിൽ വെച്ച് അദ്ദേഹത്തെ പൊലീസ് തടഞ്ഞു നിർത്തിയപ്പോൾ അദ്ദേഹം പിഴ ഒടുക്കാനായിരിക്കുമെന്ന് ആശങ്കപ്പെട്ടു. എന്നാൽ കൃത്യമായി നിയമങ്ങൾ പാലിക്കുന്ന അദ്ദേഹം ആശങ്കയോടെ വാഹനം നിർത്തി. പൊലീസ് ഉദ്യോഗസ്ഥർ സലാം പറഞ്ഞ് കൃത്യമായി നിയമങ്ങൾ പാലിക്കുന്നതിന് അദ്ദേഹത്തെ പൂവുകൾ നൽകി പോത്സാഹിപ്പിച്ചു. ഷാർജ പൊലീസ് മേധാവി മേജർ സെയ്ഫ് അൽ സഅരി അൽ ഷംസിയുടെ നിർദ്ദേശപ്രകാരമാണ് നിയമങ്ങൾ പാലിക്കുന്നവരെ കണ്ടെത്തി പോത്സാഹിപ്പിക്കാൻ പോലീസ് പൂവുകളുമായി എത്തിയത്.
