അബുദാബി : എക്സിക്യൂട്ടീവ് കൗൺസിൽ അംഗവും അബുദാബി എക്സിക്യൂട്ടീവ് ഓഫീസ് ചെയർമാനുമായ എച്ച്. എച്ച് ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ യു. എഫ്‌. സി പ്രസിഡന്റ് ഡാന വൈറ്റിനെ സ്വീകരിച്ചു. യാസ് ദ്വീപിലെ “റിട്ടേർണ് ടു ഫൈറ്റ് ഐലന്റ്” എന്ന സീരിസിന്റെ സമാപനത്തെ തുടന്നാണ് സ്വീകരണം. സ്വീകരണയോഗത്തിൽ അബുദാബി എക്സിക്യൂട്ടീവ് കൗൺസിൽ അംഗവും അബുദാബി സാംസ്കാരിക ടൂറിസം വകുപ്പ് ചെയർമാനുമായ മുഹമ്മദ് ഖലീഫ അൽ മുബാറക്, അബുദാബി എക്സിക്യൂട്ടീവ് ഓഫീസിലെ ഡയറക്ടർ ജനറൽ സെയ്ഫ് സയീദ് ഘോബാഷ് എന്നിവർ പങ്കെടുത്തു.
വിവിധ രാജ്യങ്ങളിൽ നിന്നുള്ള മികച്ച പോരാളികളെ ഒരുമിച്ച് കൊണ്ടുവന്ന് ലോകമെമ്പാടുമുള്ള കാഴ്ചക്കാരെ ആകർഷിച്ച ഇവന്റുകളുടെ ഗുണനിലവാരതെയും അദ്ദേഹം അഭിനന്ദിച്ചു. അബുദാബി യു.എഫ്‌.സിയുമായുള്ള ശക്തമായ പങ്കാളിത്തത്തിന് നന്ദി അറിയിച്ചു.
COVID-19 മാനദണ്ഡങ്ങൾ ഉണ്ടായിരുന്നിട്ടും ഏറ്റവും ഉയർന്ന ആരോഗ്യസുരക്ഷ ഒരുകിയത്തിനും ഈ വർഷം രണ്ടുതവണ ഫൈറ്റ് ഐലൻഡ് ആതിഥേയത്വം വഹിച്ചതിനും യോഗത്തിൽ ഡാന വൈറ്റ് അബുദാബിക്ക് നന്ദി അറിയിച്ചു. അബുദാബിയിൽ പോരാട്ടങ്ങൾ തുടരുന്നതിനുള്ള യു.എഫ്‌.സിയുടെ പ്രതിജ്ഞാബദ്ധത അദ്ദേഹം പ്രകടിപ്പിച്ചു.
