യുഎഇയിൽ നാളെ ഭാഗികമായി മഴയ്ക്ക് സാധ്യത; താപനില കുറയുമെന്നും NCM

ദുബായ് :നാഷണൽ സെന്റർ ഓഫ് മെറ്റീരിയോളജിയുടെ (NCM) കാലാവസ്ഥാ ബുള്ളറ്റിൻ പ്രകാരം,ഇന്നും നാളെയും മാർച്ച് 9,10 തീയതികളിൽ യുഎഇയുടെ ചില പടിഞ്ഞാറൻ പ്രദേശങ്ങളിലും ദ്വീപുകളിലും ഭാഗികമായി മേഘാവൃതമായ കാലാവസ്ഥ ആയിരിക്കും. പ്രത്യേകിച്ച് പടിഞ്ഞാറൻ ദിശയിൽ, മഴ പെയ്യാനും താപനില കുറയാനും സാധ്യതയുണ്ട്.തെക്കുകിഴക്ക് മുതൽ വടക്കുകിഴക്ക് വരെ നേരിയതോ മിതമായതോ ആയ കാറ്റ് വീശാൻ സാധ്യതയുണ്ട്, മണിക്കൂറിൽ 10 കിലോമീറ്റർ മുതൽ 25 കിലോമീറ്റർ വരെ കാറ്റ് വേഗത കൈവരിക്കുകയും മണിക്കൂറിൽ 35 കിലോമീറ്റർ വരെ വേഗത കൈവരിക്കുകയും ചെയ്യും.