ഡോ: എസ്.എൽ.പി.ഉമ്മർ ഫാറൂക്കിന് എം.എം.ജെ.സി. യു. എ.ഇ. സ്വീകരണം നൽകി

ഷാർജ: വെങ്ങര മാപ്പിള യു പി സ്കൂൾ വിദ്യാഭ്യാസ കമ്മിറ്റി ചെയർമാനും, മാന ശാസത്ര വിദഗ്ദനുമായ ഡോ: എസ്.എൽ.പി.ഉമ്മർ ഫാറൂക്കിന് മുട്ടം മുസ്ലിം ജമാഅത്ത് യു.എ.ഇ.വിദ്യാഭ്യാസ കമ്മിറ്റി സ്വീകരണം നൽകി. യു.എ.ഇ.എം.എം. ജെ.സി.വിദ്യാഭ്യാസ കമ്മിറ്റി ജനറൽ കൺവീനർ പുന്നക്കൻ മുഹമ്മദലി അദ്ധ്യക്ഷത വഹിച്ച യോഗത്തിൽ ആലം, എം.ഹുസൈനാർ, കെ.സാദിഖ്, സി.പി.ജലീൽ എന്നിവർ സംസാരിച്ചു. വെങ്ങര മാപ്പിള യു.പി.സ്ക്കൂളിന് വേണ്ടി എടുത്ത,പുതിയ കെട്ടിടത്തിലേക്ക്‌ യു.എ.ഇ.യിലുള്ള മുട്ടം നിവാസികളുടെ ക്ലബുകൾ നൽകിയ ക്ലാസ്‌ റൂം ഫർണിച്ചർക്കുള്ള സംഭാവന വിദ്യാഭ്യാസ കമ്മിറ്റി ഏറ്റ്‌ വാങ്ങി.
ഇന്ന് ഷാർജ ഇന്ത്യൻ അസോസിയേഷനിൽ വെച്ച്‌ നടന്ന പ്രൗഢമായ ചടങ്ങിൽ വെച്ച്‌ വിദ്യാഭ്യാസകമ്മിറ്റി ചെയർമാൻ ഡോ. ഉമർ ഫാറൂഖ്‌ എസ്‌ എൽ പിയും യു എ ഇ വിദ്യാഭ്യാസകമ്മിറ്റി കൺവീനർ പുന്നക്കൻ മുഹമ്മദലിയും ചേർന്നാണു സുൽത്താൻ ചിറ, വൈ എം സി എ, സി എച്ച്‌ യുവക്‌ കേന്ദ്ര ക്ലബുകളുടെ ഭാരവാഹികളിൽ നിന്ന് തുക ഏറ്റ്‌ വാങ്ങിയത്‌.