ദുബായ്: ഫുട്ബോൾ ഇതിഹാസം ലയണൽ മെസ്സി എക്സ്പോ 2020 ദുബായ് തുടങ്ങുന്നതിനുള്ള മൂന്ന് മാസത്തെ കൗണ്ട്ഡൗൺ ആരംഭിച്ചു.
എക്സ്പോ 2020 സൈറ്റിലെ അൽ വാസ്ൽ പ്ലാസയിലേക്ക് മെസ്സി ഒരു ഫുട്ബോളിനെ കിക്ക് ചെയ്യുന്ന വീഡിയോ ദുബായ് സർക്കാർ മീഡിയ ഓഫീസ് തിങ്കളാഴ്ച ട്വീറ്റ് ചെയ്യുകയുണ്ടായി. ലോകത്തിലെ ഏറ്റവും വലിയ 360 ഡിഗ്രി പ്രൊജക്ഷൻ ഗോപുരമാണ് അൽ വാസൽ.
യുഎഇ മെഗാ ഇവന്റ് 2021 ഒക്ടോബർ 1 മുതൽ 2022 മാർച്ച് 31 വരെയാണ് നടക്കുക.
എക്സ്പോ 2020 ദുബായ് ടിക്കറ്റുകൾ ജൂലൈ 18 മുതൽ ലോകമെമ്പാടും expo2020dubai.com- ൽ വിൽപ്പനയ്‌ക്കെത്തും. സിംഗിൾ എൻട്രി ടിക്കറ്റിന് 95 ദിർഹവും, ആറ് മാസത്തെ പാസിന് 495 ദിർഹവും വിലവരും.
2019 മെയ് മാസത്തിൽ എക്സ്പോ 2020 ന്റെ മറ്റൊരു കാമ്പെയ്‌നിലും മെസ്സി ഭാഗമായിരുന്നു.
60 സെക്കൻഡ് നീണ്ട വിഡിയോയിൽ ലോകപ്രശസ്ത ഫുട്ബോൾ കളിക്കാരനെയും ലോകമെമ്പാടുമുള്ള ആളുകളെയും ഫുട്ബോളിന്റെ സാർവത്രിക ഭാഷയിലൂടെ ബന്ധിപ്പിക്കുന്നതായി കാണിച്ചു.
യുഎഇ, ഇന്ത്യ, യുകെ, കെനിയ എന്നിവിടങ്ങളിൽ ചിത്രീകരിച്ച ഇത് സാംസ്കാരിക വൈവിധ്യത്തെ ആഘോഷിക്കുന്നതായും പ്രതിബന്ധങ്ങളെ തകർക്കുന്നതിനുള്ള കഴിവിനെയും ചിത്രീകരിക്കുന്നു.
