ദുബായ്: ദുബായ് എക്‌സ്‌പോയിൽ എത്തുന്ന സന്ദർശകരുടെ എണ്ണത്തിൽ വർദ്ധനവ്. ആദ്യ അഞ്ച് ആഴ്‌ചകളിൽ 29.4 ലക്ഷം പേർ സന്ദർശിച്ചു. 2021 ഒക്ടോബർ 1 ന് എക്സ്പോ 2020 ദുബായ് ആരംഭിച്ചതിന് ശേഷം ആദ്യ അഞ്ച് ആഴ്‌ചകളിൽ 2,942,388 പേർ എക്സ്പോ സന്ദർശിച്ചതായി എക്സ്പോ സംഘാടകർ അറിയിച്ചു. ഇന്നലെ ആണ് പുതിയ കണക്ക് സംഘാടകർ പുറത്ത് വിട്ടത്. 2,942,388 പേർ എന്ന കണക്കിൽ ഏകദേശം ഒരു ലക്ഷം പേർ കുട്ടികളാണ് എക്‌സ്‌പോയിൽ എത്തിച്ചേർന്നതെന്നും അധികൃതർ പറഞ്ഞു. 65 % സന്ദർശകരും 6 മാസത്തെ പാസ് കൈവശം വച്ചിരിക്കുന്ന തിനാൽ സീസൺ പാസുകളുടെ വിൽപ്പനയും വർദ്ധിച്ചിട്ടുണ്ട്. ഞായറാഴ്ച മുതൽ വ്യാഴം വരെയുള്ള എക്‌സ്‌പോയിലേക്കുള്ള ഡേ പാസുകൾ നവംബർ 30 വരെ 95 ദിർഹത്തിൽ നിന്ന് 45 ദിർഹമായി കുറച്ചിട്ടുണ്ട്. വെള്ളി, ശനി ദിവസങ്ങളിലെ പ്രവേശനത്തിന് ഇപ്പോഴും സാധാരണ ദിർഹം 95 ആണ്.
