ഹോട് പായ്ക്ക് ഗ്ലോബൽ ജീവനക്കാർക്ക് സ്തനാർബുദ ബോധവത്കരണം നടത്തി

ദുബായ്, യുഎഇ– ഒക്ടോബർ 30, 2024 – യുഎഇ ആസ്ഥാനമായി പ്രവർത്തിക്കുന്ന സുസ്ഥിര പാക്കേജിങ് രംഗത്തെ പ്രമുഖ ഗ്രൂപ്പായ ഹോട് പായ്ക്ക് ഗ്ലോബൽ ഹാപ്പിനസ് ഇനീഷ്യേറ്റീവിൻ്റെ ഭാഗമായി അവരുടെ ജീവനക്കാർക്ക് എൻഎംസി ആശുപത്രിയുമായി ചേർന്ന് സ്തനാർബുദ ബോധവത്കരണ പരിപാടി നടത്തി. ഇൗ രോഗവുമായി ബന്ധപ്പെട്ട ഉൾക്കാഴ്ചകളും അറിവുകളും ജീവനക്കാർക്ക് ലഭിച്ചുവെന്ന് ഉറപ്പാക്കിക്കൊണ്ട് ഹോട് പായ്ക്ക് ഹെഡ് ക്വാർട്ടേഴ്സിലായിരുന്നു ബോധവത്കരണ പരിപാടി.
ദുബായ്, അബുദാബി, ഷാർജ, ഉമ്മുൽഖുവൈൻ എന്നിവിടങ്ങളിൽ നിന്നുള്ള ജീവനക്കാർ പങ്കെടുത്തു. റജിസ്റ്റർ ചെയ്ത എല്ലാവർക്കും പതിവ് ആരോഗ്യ പരിശോധന, നേരത്തെയുള്ള കണ്ടെത്തൽ, സജീവമായ ആരോഗ്യ നിരീക്ഷണം എന്നിവയുടെ പ്രാധാന്യം ഉറപ്പാക്കുന്നതിന് കോംപ്ലിമെൻ്ററി സ്ക്രീനിങ് ടെസ്റ്റുകൾ നടത്തും. എൻഎംസി ഹോസ്പിറ്റലിലെ ശസ്ത്രക്രിയാ വിദഗ്ധൻ ബോധവൽക്കരണ ക്ലാസെടുത്തു. സ്തനാർബുദ പ്രതിരോധത്തിൽ പതിവ് പരിശോധനകളുടെ നിർണായക പങ്കിനെക്കുറിച്ചും നേരത്തെയുള്ള കണ്ടെത്തൽ സാങ്കേതികതകളെക്കുറിച്ചും പ്രതിരോധ പരിചരണ നടപടികളെക്കുറിച്ചും മാർഗനിർദേശം നൽകി. ജീവനക്കാർക്ക് അവരുടെ ആരോഗ്യത്തിനും ക്ഷേമത്തിനും മുൻഗണന നൽകാനുള്ള ഒരു സംസ്കാരം സൃഷ്ടിക്കുന്നതിന് ഇത്തരം പരിപാടി ഗുണകരമാകുമെന്ന് വിശ്വസിക്കുന്നതായി ഹോട്ട്പാക്ക് ഗ്ലോബല്‍ ഗ്രൂപ് മാനേജിങ് ഡയറക്ടർ പി.ബി. അബ്ദുൽ ജബ്ബാർ പറഞ്ഞു. ആരോഗ്യം, സുരക്ഷ, സമൂഹ പിന്തുണ എന്നിവയെ വിലമതിക്കുന്ന ഒരു ജോലിസ്ഥലത്തെ പരിപോഷിപ്പിക്കുന്നതിനുള്ള തങ്ങളുടെ നിരന്തരമായ പ്രതിബദ്ധതയെ പ്രതിഫലിപ്പിക്കുന്നതിന് എൻഎംസി ആശുപത്രിയുടെ സഹകരണം സഹായകമായെന്നും അദ്ദേഹം കൂട്ടിച്ചേർത്തു. പ്രായോഗികവും ഫലപ്രദവുമായ സംരംഭങ്ങളിലൂടെ ജീവനക്കാരുടെ ക്ഷേമത്തോടുള്ള ഹോട് പായ്ക്കിൻ്റെ പ്രതിബദ്ധതയാണ് ഈ പരിപാടി അടിവരയിടുന്നതെന്ന് ഗ്രൂപ്പ് എക്‌സിക്യൂട്ടീവ് ഡയറക്ടർ പി.ബി. സൈനുദ്ദീൻ പറഞ്ഞു. സ്തനാർബുദം പോലുള്ള ഗുരുതരമായ ആരോഗ്യ പ്രശ്‌നങ്ങളെക്കുറിച്ച് അവബോധം വളർത്തുക മാത്രമല്ല, ഞങ്ങളുടെ ജീവനക്കാർക്ക് അവരുടെ ആരോഗ്യം സജീവമായി കൈകാര്യം ചെയ്യുന്നതിനുള്ള അവബോധവും സൗകര്യവും നൽകുകയെന്നതാണ് ഹോട്ട്‌പാക്ക് ഹാപ്പിനസ് ഉപയോഗിച്ചുള്ള ഞങ്ങളുടെ ലക്ഷ്യം. ഈ അനിവാര്യമായ ഉദ്യമത്തിൽ ഞങ്ങളുമായി സഹകരിച്ചതിന് എൻഎംസി ഹോസ്പിറ്റലിനോട് നന്ദിയുണ്ട്.
സ്തനാർബുദ ബോധവൽക്കരണം ഉയർത്തുന്നതിനും സ്ഥാപനത്തിനുള്ളിൽ ആരോഗ്യ ജാഗ്രതയുടെ സംസ്കാരം വളർത്തുന്നതിനും ഹോട്ട്പാക്ക് ടീം കൂട്ടായ പ്രതിജ്ഞയെടുത്തു. ഫിറ്റ്നസ് വെല്ലുവിളികൾ, മാനസികാരോഗ്യ സെമിനാറുകൾ, മറ്റ് വിദ്യാഭ്യാസ ശിൽപശാലകൾ എന്നിവ പോലുള്ള പ്രവർത്തനങ്ങളും ഹോട് പായ്ക്ക് ഹാപ്പിനസ് ഇനീഷ്യേറ്റീവിൻ്റെ ഭാഗമായി നടത്തിവരുന്നു.