കോളിയടുക്കം GUP സ്‌കൂൾ യു എ ഇ കമ്മറ്റിയുടെ സുവർണ്ണജൂബിലി ആഘോഷങ്ങളുടെ ഉദ്ഘാടനം അഡ്വ: സി എച്ച് കുഞ്ഞമ്പു എം എൽ എ നിർവ്വഹിച്ചു.അജ്മാൻ ഇന്ത്യൻ സോഷ്യൽ സെന്റെറിൽ ടി എ ഹനീഫ കോളിയടുക്കം അധ്യക്ഷത വഹിച്ച ചടങ്ങിൽ ഉദുമ എം എൽ എ അഡ്വ: സി എച്ച് കുഞ്ഞമ്പു ഒരു വർഷം നീണ്ടു നിൽക്കുന്ന യു എ ഇ യിലെ ആഘോഷ പരിപാടിയുടെ ഔപചാരിക ഉദ്ഘാടന കർമ്മമാണ് നിർവ്വഹിച്ചത്.
സ്ക്കൂളിന്റെ 50-ാം വാർഷികാഘോഷത്തിന്റെ ഭാഗമായ് ഒരു വർഷം നീണ്ട് നിൽക്കുന്ന വ്യത്യസ്തമാർന്ന കല സംസ്കാരക പരിപാടികളാണ് യു എ ഇ യിൽ സംഘാടക സമിതി ആസൂത്രണം ചെയ്തിരിക്കുന്നത്.
ശംസുദ്ധീൻ കോളിയടുക്കം സ്വഗതമാശംസിച്ച ചടങ്ങിൽ ഗംഗാധരൻ പെരുമ്പള ആഘോഷ പരിപാടിയുടെ വിശദീകരണം നടത്തി. മാധവൻ അണിഞ്ഞ, ജയചന്ദ്രൻ വയലാം കുഴി, മോഹനൻ അണിഞ്ഞ തുടങ്ങിയവർ പ്രസംഗിച്ചു അൻവർ കോളിയടുക്കം നന്ദി രേഖപ്പെടുത്തി.
