നാലര പതിറ്റാണ്ടിന്റെ പ്രവാസജീവിതത്തിനു വിട : അബ്ദുള്ള കുഞ്ഞി ഹാജിക്ക് യാത്രയയപ്പ് നൽകി

നാലര പതിറ്റാണ്ടിന്റെ പ്രവാസ ജീവിതം അവസാനിപ്പിച്ചു ജന്മനാട്ടിലേക്ക് തിരിക്കുന്ന പൊന്നങ്കളം അബ്ദുള്ള കുഞ്ഞി ഹാജിക്ക് യു.എ.ഇ ബായാർ ജമാഅത്ത് യാത്രയയപ്പ് നൽകി. 1977ൽ ദുബായിലെത്തിയ അദ്ദേഹം അൽ ഫുതൈയിം ഗ്രൂപ്പ് ഓഫ് കമ്പനിയിലാണ് നീണ്ട 44 വർഷക്കാലം സേവനമനുഷ്ഠിച്ചത്. ജീവ കാരുണ്യ സാമൂഹ്യ സേവന രംഗത്ത് മാതൃകാപരമായ ഇടപെടലുകൾ നടത്തിയ അദ്ദേഹം യു.എ.ഇ – ബായാർ ജമാഅത്ത് കൂട്ടായ്മ രൂപീകരണത്തിൽ പ്രധാന പങ്കു വഹിക്കുകയും വ്യത്യസ്ത കാലഘട്ടങ്ങളിലെ കമ്മിറ്റികളിൽ ഭാരവാഹിത്വം ഏറ്റെടുത്ത് ഉത്തരവാദിത്വം നിർവ്വഹിക്കുന്നതിൽ അപാര പരിശ്രമങ്ങൾ നടത്തിയിട്ടുണ്ട്. യാത്രയയപ്പ് യോഗം അബ്ദുൽ റഹ്‌മാൻ കമ്പളയുടെ അധ്യക്ഷതയിൽ അധ്യക്ഷതയിൽ ബായാർ മുഹമ്മദ് മുസ്‌ലിയാർ ഉദ്ഘാടനം ചെയ്തു. ലത്തീഫ് ഫൈസൽ റഹ്‌മാനി, പി.കെ ഇബ്രാഹിം ഹാജി, സൈനുദ്ധീൻ പൊന്നങ്കളം, അബു പെറുവോടി, ഇബ്രാഹിം ജാറം, ജലീൽ പെറുവോടി, ശരീഫ് പൊന്നങ്കളം, ഇസ്മായിൽ മുഗുളി, നിസാർ പൊന്നങ്കളം, സിറാജ് പൊന്നങ്കളം, മുൻസീർ ബെരിപദവ്. അസ്ഹർ പൊന്നങ്കളം തുടങ്ങിയവർ ആശംസകൾ നേർന്നു. റസാഖ് ജാറം സ്വാഗതവും അസീസ് ബള്ളൂർ നന്ദിയും പറഞ്ഞു.