എക്സ്പോ 2020 സന്ദർശിക്കാൻ ഉദ്ദേശിക്കുന്നവർ ഔദ്യോഗിക കാലാവസ്ഥാ അറിയിപ്പുകൾ പരിശോധിച്ച് എത്തണമെന്ന് എക്സ്പോ അധികൃതർ നിർദേശിച്ചു. ഷഹീൻ ചുഴലിക്കാറ്റിന്റെ പശ്ചാത്തലത്തിലാണ് അധികൃതരുടെ നിർദേശം. തിങ്കളാഴ്ച എക്സ്പോ വേദിയിലെത്താൻ ഉദ്ദേശിക്കുന്നവർ കാലാവസ്ഥാ വകുപ്പിന്റെ നിർദേശങ്ങൾ അനുസരിക്കണമെന്നും അധികൃതർ വ്യക്തമാക്കി.
ഷഹീൻ ചുഴലിക്കാറ്റിന്റെ പശ്ചാത്തലത്തിൽ ബീച്ചുകൾ, താഴ്‌വരകൾ, അണക്കെട്ടുകൾ, പർവതങ്ങൾ എന്നിവിടങ്ങൾ സന്ദർശിക്കരുതെന്ന് യു.എ.ഇയിലെ താമസക്കാർക്കും സന്ദർശകർക്കും ദേശീയ ദുരന്തനിവാരണ അതോറിറ്റി മുന്നറിയിപ്പ് നൽകിയിട്ടുണ്ട്. ഹത്തയിലെ പാർക്ക്, വിനോദസംവിധാനങ്ങൾ എന്നിവയും താത്‌കാലികമായി അടച്ചിട്ടുണ്ട്
