ദുബായ്: യു എ ഇ യിലെ ഇന്ത്യൻ മാധ്യമ പ്രവർത്തകരുടെ കൂട്ടായ്മയായ ഇന്ത്യൻ മീഡിയ ഫ്രറ്റേണിറ്റിയുടെ (ഐ.എം.എഫ്) വെൽഫെയർ കൗൺസിലിന്റെ ആഭിമുഖ്യത്തിൽ ഈദ്-വിഷു ആഘോഷം സംഘടിപ്പിച്ചു. ആർ.പി ഗ്രൂപ്പിന്റെ സഹകരണത്തോടെ അജ്‌മാൻ നോർത്ത് ഗേറ്റ് ബ്രിട്ടീഷ് സ്‌കൂളിൽ നടന്ന പരിപാടി ഒ ഗോൾഡ് സി ഇ ഒ അലി അബ്ദു ഉദ്ഘാടനം ചെയ്തു . ചടങ്ങിൽ എം.സി.എ നാസർ അധ്യക്ഷത വഹിച്ചു.ആഡ് & എം ഇന്റർനാഷനൽ മാനേജിങ് ഡയറക്ടർ റഷീദ് മട്ടന്നൂർ,ഡോ ശ്രുതി മുരളീധരൻ തുടങ്ങിയവർ ആശംസകൾ നേർന്നു. സർവകലാശാല ആർട്സ് ട്രെയിനിങ് സെന്ററിന്റെ നേതൃത്വത്തിൽ നടന്ന കലാവിരുന്നിന് നന്ദൻ കാക്കൂർ, മനോജ്‌ കുരുവിള, ഡോ. വീണ, അരുൺ പാറാട്ട്, ഫർസാന അരുൺ എന്നിവർ നേതൃത്വം നൽകി. ഐ.എം.എഫ് അംഗങ്ങളും വിവിധ കലാപരിപാടികളുടെ ഭാഗമായി. തൻസി ഹാഷിർ അവതാരകയായിരുന്നു. ജമാലുദ്ദീൻ, മിന്റു പി.ജേക്കബ്, ജലീൽ പട്ടാമ്പി, അനൂപ് കീച്ചേരി, ജെറിൻ ജേക്കബ്, വനിതാ വിനോദ് എന്നിവർ നേതൃത്വം നൽകി. നറുക്കെടുപ്പിലെ മെഗാ സമ്മാനമായ 55 ഇഞ്ച് ടി.വി രഞ്ജിത്ത് കരോത്ത് സ്വന്തമാക്കി. ആഘോഷ പരിപാടിയോട് അനുബന്ധിച്ച് സംഘടിപ്പിച്ച വിവിധ മത്സരങ്ങളിലൂടെ നിരവധി സമ്മാനങ്ങളും അംഗങ്ങൾക്ക് നൽകി .ഐ എം എഫ് കോർഡിനേറ്റർമാരായ തൻവീർ കണ്ണൂർ സ്വാഗതവും ഷിനോജ് കെ.ഷംസുദ്ദീൻ നന്ദിയും പറഞ്ഞു. ഡോ. പുത്തൂർ റഹ്മാൻ, ചിക്കിങ്, വി പെർഫ്യൂംസ്, എ.എ.കെ ഗ്രൂപ്പ് എന്നിവർ ആഘോഷത്തിന്റെ സഹകാരികളായിരുന്നു. അംഗങ്ങൾക്ക് ഈദ്-വിഷു സ്നേഹ സമ്മാനങ്ങൾ നൽകിയാണ് പരിപാടികൾക്ക് സമാപനമായത്.
