ദുബൈ കെ.എം.സി.സി പൈവളികെ പഞ്ചായത്ത് കമ്മിറ്റി കയ്യറിലെ പെരുമ്പളയിൽ നിർധന കുടുംബത്തിനു നിർമ്മിച്ചു നൽകുന്ന പാണക്കാട് സയ്യിദ് മുഹമ്മദലി ശിഹാബ് തങ്ങളുടെ നാമധേയത്തിലുള്ള ഭവനം ബൈത്തുറഹ്മയുടെ താക്കോൽദാന കർമ്മം ഒക്ടോബർ മൂന്നിനു ഞായറാഴ്ച്ച വൈകുന്നേരം അഞ്ചു മണിക്ക് മുസ്ലിം യൂത്ത് ലീഗ് സംസ്ഥാന സമിതി അധ്യക്ഷൻ പാണക്കാട് സയ്യിദ് മുനവ്വറലി തങ്ങൾ നിർവ്വഹിക്കും.
കുമ്പോൽ സയ്യിദ് ജാഫർ സ്വാദിഖ് തങ്ങൾ പ്രാർത്ഥന നടത്തും. താക്കോൽദാന ചടങ്ങിനു ശേഷം നടക്കുന്ന പൊതു സമ്മേളനം ദുബൈ കെ.എം.സി.സി പൈവളികെ പഞ്ചായത്ത് പ്രസിഡണ്ട് ശാക്കിർ ബായാറിന്റെ അധ്യക്ഷതയിൽ മഞ്ചേശ്വരം എം.എൽ.എ, എ.കെ.എം അഷ്‌റഫ് ഉദ്ഘാടനം ചെയ്യും.
വ്യത്യസ്ത മത രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖരും ഇന്ത്യൻ യൂണിയൻ മുസ്ലിം ലീഗിന്റെയും പോഷക സംഘടനകളുടെ ജില്ലാ മണ്ഡലം പഞ്ചായത്ത് വാർഡ് തല നേതാക്കളും ആശംസകൾ അർപ്പിച്ചു സംസാരിക്കുമെന്ന് ദുബൈ കെ.എം.സി.സി പൈവളികെ പഞ്ചായത്ത് ഭാരവാഹികൾ അറിയിക്കുന്നു.
