ദുബായ്: ദുബായ് സമ്മർ സർപ്രൈസസ് (ഡിഎസ്എസ്) ആരംഭിക്കുന്നതിനെ അടയാളപ്പെടുത്തിക്കൊണ്ട് ബുർജ് ഖലീഫയിൽ മനോഹരമായ ലൈറ്റ് ആൻഡ് പ്രൊജക്ഷൻ ഷോ നടന്നു.ഡി‌എസ്‌എസിന്റെ 24-ാം പതിപ്പ് നഗരത്തിലുടനീളം ആഘോഷങ്ങൾ, പ്രമോഷനുകൾ, കുടുംബ വിനോദങ്ങൾ, ഡൈനിംഗ് ഫെസ്റ്റ്, വിനോദം എന്നിവയും അതിലേറെയും വേനൽക്കാലത്ത് താമസക്കാർക്കും സന്ദർശകർക്കും ഒരുപോലെ വാഗ്ദാനം ചെയ്യുന്നു.
ജൂലൈ 1 മുതൽ സെപ്റ്റംബർ 4 വരെ നടക്കുന്ന ഡിഎസ്എസ് കുടുംബ സൗഹൃദവും, സന്ദർശകർക്കും താമസക്കാർക്കും ഒരു റീട്ടെയിൽ ഹോട്സ്പോട്ടും ആയതുകൊണ്ട്, ഇത് ദുബായിയെ വേനൽ അവധിക്കാലത്തെ മികച്ച ലക്ഷ്യസ്ഥാനം ആക്കുന്നു.
ദുബായിലെ ഏറ്റവും പ്രശസ്തമായ രണ്ട് ലാൻഡ്‌മാർക്കുകൾ ഡി‌എസ്‌എസിന്റെ ആരംഭം രാത്രി ആകാശം പ്രകാശിപ്പിച്ചുകൊണ്ടുള്ള അതിശയകരമായ പ്രൊജക്ഷൻ ഷോകൾ പ്രകാശിപ്പിച്ചുകൊണ്ട് പ്രഖ്യാപിച്ചു. ദുബായ് കാവ്കാബ് അഖർ എന്ന ഗാനം അവതരിപ്പിച്ചുകൊണ്ട് ദുബായ് ഫെസ്റ്റിവൽ സിറ്റി മാളിൽ നടന്ന ഇമാജിൻ ഷോയിലും ഡൗൺടൗണിൽ ദുബൈയിൽ ബുർജ് ഖലീഫയിലും പ്രാരംഭ ഷോകൾ അരങ്ങേറി.
കോവിഡ് -19 നെതിരെ പൂർണ്ണമായി പ്രതിരോധ കുത്തിവയ്പ്പെടുത്ത പൊതുജനങ്ങൾക്ക് പങ്കെടുക്കാൻ തുറന്നുകൊടുത്തു. ദുബായ് ഫെസ്റ്റിവൽ സിറ്റി മാൾ ഇവന്റിനായി, അതിഥികൾക്ക് വാക്സിനേഷൻ പ്രൂഫ് ഉപയോഗിച്ച് ഫെസ്റ്റിവൽ ബേ റെസ്റ്റോറന്റുകളിലൊന്നിൽ ടേബിൾ ബുക്ക് ചെയ്യുകയോ, അല്ലെങ്കിൽ നേരിട്ട് ബേ സന്ദർശിക്കുകയോ സാധിക്കുന്നതാണ്. ബുർജ് ഖലീഫ ഷോയ്ക്കായി, അതിഥികൾക്ക് ജലധാര അഭിമുഖീകരിക്കുന്ന റെസ്റ്റോറന്റുകളിലൊന്നിൽ ബുക്ക് ചെയ്യുകയോ, അല്ലെങ്കിൽ വാക്സിനേഷൻ പ്രൂഫ് പരിശോധനയ്ക്കു ശേഷം നേരിട്ട് സ്ഥലം സന്ദർശിക്കാവുന്നതാണ്.
