എക്സ്പോ 2020 നഗരിയിൽ ദീപാവലി ആഘോഷങ്ങൾ തുടരുന്നു. ഒരാഴ്ച നീണ്ടു നിൽക്കുന്ന ആഘോഷങ്ങൾ വെള്ളിയാഴ്ച വരെയാണ് നടക്കുന്നത്.ലൈവ് സംഗീത – നൃത്ത പരിപാടികൾ , സിനിമ , പ്രത്യേക ഭക്ഷണങ്ങൾ തുടങ്ങി നിരവധി പരിപാടികളാണ് ഒരുക്കിയിരിക്കുന്നത്. അൽ വാസൽ പ്ലാസയുടെ 360 ഡിഗ്രി പ്രൊജക്‌ഷൻ സ്‌ക്രീനിൽ ദീപാവലിയുടെ വർണ വിസ്മയങ്ങൾ തെളിയും. ഇന്ത്യൻ പവിലിയൻ ഇന്ററാക്ടിവ് മ്യൂസിക്കൽ എൽ.ഇ.ഡി. രംഗോലിയാണ് തയ്യാറാക്കിയിരിക്കുന്നത്.
നിരവധി എണ്ണ വിളക്കുകൾ ഉത്സവച്ഛായ പകരും. നവംബർ നാലിനു ബോളിവുഡ് പിന്നണി ഗായകൻ വിപുൽ മെഹ്ത്ത , സലിം , സുലൈമാൻ മർച്ചന്റ് എന്നിവരുടെ സംഗീത പരിപാടിയും ഉത്സവത്തിന് മാറ്റു കൂട്ടും. ദുബായ് മില്ലേനിയം ആംഫിതീയ റ്ററിൽ നവംബർ അഞ്ചിനു ഹിന്ദി ബാൻഡ് ധ്രുവ് പരിപാടി അവതരിപ്പിക്കും. ഇന്ത്യയുടെ റാപ് സെൻസേഷൻ ആയ ബാദ്ഷാ നവംബർ നാലിനു ജൂബിലി സ്റ്റേജിൽ പരിപാടി അവതരിപ്പിക്കും. എക്സ്പോ യിലെ ഇന്ത്യൻ റെസ്റ്റോറന്റുകളിൽ ദീപാവലി സ്പെഷ്യൽ വിഭവങ്ങൾ എത്തുമെന്നും അറിയിച്ചിട്ടുണ്ട്.
