ഒമാൻ : ഇന്ത്യ, പാകിസ്ഥാൻ, ബംഗ്ലാദേശ്, യുണൈറ്റഡ് കിംഗ്ഡം, പല ഏഷ്യൻ, ആഫ്രിക്കൻ, മിഡിൽ ഈസ്റ്റേൺ രാജ്യങ്ങൾ ഉൾപ്പെടെ 24 രാജ്യങ്ങളിൽ നിന്നുള്ള യാത്രക്കാരുടെ ഫ്ലൈറ്റുകൾ ഒമാൻ വ്യാഴാഴ്ച നിർത്തിവച്ചു.
കൊറോണ വൈറസ് മഹാമാരി തടയാനുള്ള രാജ്യത്തിന്റെ നടപടികളുടെ ഭാഗമായി കൂടുതൽ അറിയിപ്പ് ഉണ്ടാകുന്നതുവരെ വിമാനങ്ങൾ നിർത്തിവച്ചിരിക്കുകയാണെന്ന് ഒമാൻ വ്യാഴാഴ്ച ഔദ്യോഗിക ട്വിറ്റർ അക്കൗണ്ടിൽ അറിയിച്ചു.
ടുണീഷ്യ, ലെബനൻ, ബ്രൂണൈ, ഇന്തോനേഷ്യ, എത്യോപ്യ, ഇറാൻ, അർജന്റീന, ബ്രസീൽ, സുഡാൻ, ഇറാഖ്, ഫിലിപ്പീൻസ്, ടാൻസാനിയ, ദക്ഷിണാഫ്രിക്ക, സിംഗപ്പൂർ, ഘാന, കൊളംബിയ, നൈജീരിയ, ലിബിയ, സിയറ ലിയോൺ, ഗ്വിനിയ എന്നിവയാണ് വിമാന സസ്പെൻഷന്റെ പട്ടികയിൽ ഉൾപ്പെട്ടിട്ടുള്ള മറ്റ് രാജ്യങ്ങൾ.
1,675 കൊറോണ പോസിറ്റീവ് കേസുകളും, കോവിഡ് -19 അനുബന്ധ 17 മരണങ്ങളും ഒമാൻ ബുധനാഴ്ച റിപ്പോർട്ട് ചെയ്തു. ഇതോടെ പോസിറ്റീവ് കോവിഡ് -19 കേസുകളുടെ എണ്ണം സുൽത്താനേറ്റിൽ 280,235 ആകുന്നു.
കോവിഡ് -19 അനുബന്ധ മരണങ്ങളുടെ എണ്ണം 3356 ആയിരിക്കുമെന്ന് ആരോഗ്യ മന്ത്രാലയം അറിയിച്ചു.
1,685 പുതിയ കേസുകൾ കോവിഡ് വിമുക്‌തരായെന്നും, മൊത്തം 248,151 സുഖം പ്രാപിച്ചുവെന്നും മന്ത്രാലയം വ്യക്തമാക്കി.
