ദുബായ്: ചില ഇന്ത്യൻ വിമാനക്കമ്പനികളുടെ ട്രാവൽ വെബ്‌സൈറ്റുകൾ പ്രകാരം നിരവധി ഇന്ത്യൻ നഗരങ്ങളിൽ നിന്നും ദുബൈയിലേക്കുള്ള ഫ്ലൈറ്റ് ബുക്കിംഗ് ജൂലൈ 15 മുതൽ വീണ്ടും തുടങ്ങും.
വിസ്താര എയർലൈൻ വെബ്‌സൈറ്റിൽ, മുംബൈ (ബിഒഎം) മുതൽ ദുബായ് (ഡിഎക്സ്ബി) വരെയുള്ള ടിക്കറ്റ് നിരക്ക് 895 ദിർഹത്തിൽ നിന്ന് ആരംഭിക്കുന്നു. ജൂലൈ 15, 16 തീയതികളിൽ വളരെ കുറച്ച് ടിക്കറ്റുകൾ മാത്രമേ ശേഷിക്കുന്നുള്ളൂ. ഇൻഡിഗോ എയർലൈൻസും അവരുടെ വെബ്‌സൈറ്റിൽ ബുക്കിംഗ് ആരംഭിച്ചു.
കണക്റ്റിംഗ് ഫ്ലൈറ്റുകൾക്ക് 850 ദിർഹവും, ജൂലൈ 16 മുതലുള്ള നേരിട്ടുള്ള ഫ്ലൈറ്റിന് 1,100 ദിർഹവുമാണ് നിരക്ക് ആരംഭിക്കുന്നത്.
കോവിഡ് -19 ഡെൽറ്റ വേരിയന്റ് കാരണം ഏപ്രിൽ 24 ന് ഇന്ത്യയിൽ നിന്നുള്ള യാത്ര താൽക്കാലികമായി നിർത്തിവച്ചു. അതിനുശേഷം, ഫ്ലൈറ്റുകളുടെ സസ്പെൻഷൻ നീക്കം ചെയ്യാനുള്ള തീരുമാനം ഒന്നിലധികം മാറ്റങ്ങളിലൂടെ കടന്നുപോവുകയും, ജൂലൈ 15 മുതൽ ഫ്ലൈറ്റുകൾ ആരംഭിക്കുമെന്നും യാത്രക്കാർ പ്രീതീക്ഷിക്കുന്നു.
