കോവിഡനന്തരം പുതിയ ഉയരങ്ങളിലേക്ക് കുതിക്കുന്ന യുഎഇയിൽ തൊഴിലന്വേഷകർക്ക് സഹായമായി സൗജന്യ കരിയർ ക്ലിനിക് ആരംഭിച്ചു.നോളജ് പാർക്കിലെ ഡെസർട്ട് സൈഡ് ട്രെയിനിങ് ഇൻസ്റ്റിറ്റ്യൂട്ടിൽ എല്ലാ വ്യാഴാഴ്ചയുമാണ് കരിയർ വർക് ഷോപ്പ് നടക്കുക. യുഎഇയിലെ പുത്തൻ തൊഴിലവസരങ്ങൾ പരിചയപ്പെടുത്തൽ, ഇന്റർവ്യൂ ട്രെയിനിങ്, റെസ്യൂമെ നിർമാണം, ഐടി ഓറിയന്റേഷൻ, ഭാഷാ പരിചയം എന്നിവയാണ് കരിയർ ക്ലിനിക്കിൽ ഉണ്ടാകുക. വിസിറ്റ് വീസയിൽ എത്തി തൊഴിൽ അന്വേഷിക്കുന്നവർക്കും മെച്ചപ്പെട്ട ജോലി തേടുന്നവർക്കും പങ്കെടുക്കാം. കുടുംബിനികൾക്ക് പാരന്റിങ്, നഴ്സറി ടീച്ചേഴ്സ് ട്രെയിനിങ് എന്നിവയിൽ പ്രത്യേക പരിശീലനവും ലഭ്യമാണ്.
എല്ലാ വ്യാഴാഴ്ചയും രാവിലെ 9 ന് ആരംഭിക്കുന്ന ക്ലിനിക്കിൽ പങ്കെടുക്കാൻ റജിസ്ട്രേഷൻ ആവശ്യമാണ്. ലിങ്ക്: https://bit.ly/careerdsti. വാട്സാപ്: 0569242432. ഇമെയിൽ : reach@dstidubai.com
