സി.എ ഖലീലിന്റെ വിയോഗത്തിൽ അനുശോചിച്ച് ആസ്റ്റർ ഡിഎം ഹെൽത്ത്‌ കെയർ സ്ഥാപക ചെയർമാൻ ഡോ. ആസാദ് മൂപ്പൻ

ദുബായ് :”സമൂഹത്തെ മുന്നോട്ട് നയിച്ച മികച്ച നേതാവും, പ്രിയപ്പെട്ട സുഹൃത്തുമായിരുന്ന സി.എ സയ്യിദ് ഖലീലിൻ്റെ വിയോഗത്തിൽ അതിയായ ദുഃഖം രേഖപ്പെടുത്തുന്നുവെന്ന് ആസ്റ്റർ ഡിഎം ഹെൽത്ത്‌ കെയർ സ്ഥാപക ചെയർമാൻ ഡോ. ആസാദ് മൂപ്പൻ പറഞ്ഞു . വിദ്യാഭ്യാസം, സാമൂഹിക സേവനം, കോർപ്പറേറ്റ് ഭരണം, ജീവകാരുണ്യ പ്രവർത്തനം എന്നീ രംഗങ്ങളിലെ അദ്ദേഹത്തിൻ്റെ മഹത്തായ സംഭാവനകൾ എണ്ണമറ്റ ജീവിതങ്ങളിൽ മായാത്ത മുദ്ര പതിപ്പിച്ചിട്ടുണ്ട്. മുതിർന്ന ചാർട്ടേഡ് അക്കൗണ്ടൻ്റെന്ന നിലയിലുള്ള അദ്ദേഹത്തിൻ്റെ പരിചയ സമ്പത്തും, ഐസിഎഐ ദുബായ് ചാപ്റ്ററിൻ്റെ മുൻ ചെയർമാനെന്ന നിലയിൽ സാമൂഹിക സേവനങ്ങളിലും മറ്റ് മേഖലകളിലും അദ്ദേഹം നൽകിയ സംഭാവനകളും എന്നും സ്മരിക്കപ്പെടുമെന്നും അദ്ദേഹം അഭിപ്രായപ്പെട്ടു .