യു.എ.ഇ.യുടെ ദേശീയദിനാഘോഷത്തിൽ ദുബായ് മറീനയിൽ കണ്ണഞ്ചിപ്പിക്കുന്ന ആവേശക്കാഴ്ചയൊരുങ്ങും. സുവർണജൂബിലി ആഘോഷങ്ങളിലെ മറൈൻ എഡിഷനിൽ ഡിസംബർ ഒന്നിന് മറീനയിൽ നൗകകളുടെ ഘോഷയാത്രയും പതാക ഉയർത്തലും നടക്കും.
50-ാ വാർഷികാഘോഷത്തിന്റെ ഭാഗമായി 50 പതാകകളാണ് ഉയർത്തുക. പതാക ഉയർത്തുന്ന സമയത്ത് മുഴുവൻ നൗകകളും വൃത്താകൃതിയിൽ ഒത്തുചേരും. പതാക ഉയർത്തൽ ചടങ്ങിനും മറ്റ് കായികവിനോദങ്ങൾക്കും കാണികൾക്കും പങ്കെടുക്കാം. രാവിലെ 10 മണിക്ക് തുടങ്ങുന്ന ആഡംബരനൗകാ പ്രദർശനമടക്കം ആകർഷകമായ ഒട്ടേറെ പരിപാടികൾ ഇതോടനുബന്ധിച്ച് നടക്കും. മറീനയിൽനിന്ന് പരിസരഭാഗത്തേക്ക് ഘോഷയാത്രയോടെയുള്ള രണ്ടുമണിക്കൂർ റൈഡ് ഉണ്ടായിരിക്കും.അതിഥികൾക്ക് കടൽയാത്ര ആസ്വദിച്ചുകൊണ്ട് അറ്റ്‌ലാന്റിസ് അടക്കം ദുബായിയുടെ പ്രധാനകാഴ്ചകൾ കണ്ട്‌ യാത്രചെയ്യാം. ആഡ് ആൻഡ് എം. ഇന്റർനാഷണൽ, ഡി.ത്രി. മറൈനുമായി സഹകരിച്ചാണ് ആഘോഷം സംഘടിപ്പിക്കുന്നത്
