ദുബായ്: ലോകത്തിലെ ഏറ്റവും വലുതും ഉയരമേറിയതുമായ ഐൻ ദുബായ് നിരീക്ഷണ ചക്രം ഒക്ടോബർ 21 ന് തുറക്കുന്നു. ഇതിനോടനുബന്ധിച്ച് സന്ദർശകർക്കായ് വിവിധ കലാപരിപാടികളും വിനോദ പരിപാടികളും ഒരുക്കിയിട്ടുണ്ട്.
വ്യാഴാഴ്ച ഉച്ചക്ക് 2 മണിയോടെ തുറക്കുന്ന ഐൻ ദുബായിൽ സന്ദർശകർക്ക് വിനോദ പരിപാടികളിൽ പങ്കെടുക്കാം. ഔദ്യോഗിക ഉത്ഘടനം രാത്രി 8.30നാണ്. ഉത്ഘാടനത്തോട് അനുബന്ധിച്ച് കരിമരുന്ന് പ്രയോഗവും മറ്റും ഒരുക്കിയിട്ടുണ്ട്. അതേസമയം മാന്ത്രിക സൂര്യാസ്തമയം കാണുന്നതിന് ക്യാമറകൾ തായ്യാറാക്കി വെക്കുന്നതിനായി മുൻകൂട്ടി ബുക്ക്‌ ചെയ്യാം.
വെള്ളിയാഴ്ച ഉച്ച 2 മണിയോടെ ആഘോഷങ്ങൾ പുനരാരംഭിക്കമ്പോൾ റീജിയണൽ ആര്ടിസ്റ് സ്പോട്ലൈറ്റ് കലാകാരന്മാർ പങ്കെടുക്കും ഐൻ ദുബായ് വരാന്ത്യത്തിൽ തുറക്കുന്നതിനോട് അനുബന്ധിച്ച് പ്രവേശനം സൗജന്യമായിരിക്കും. മറ്റു വിനോദങ്ങൾ ആസ്വദിക്കുന്നതിന് 130 ദിർഹം നിരക്കിൽ ടിക്കറ്റ് മുൻകൂറായി www.aindubai.com ൽ ലഭിക്കും.
