യുഎഇയിൽ ദേശീയ ദിനാഘോഷത്തിനായി 4 ദിവസത്തെ അവധി

യുഎഇയിലെ സർക്കാർ ജീവനക്കാർക്ക് ഈ വർഷത്തെ ദേശീയ ദിനാഘോഷത്തിനായി വാരാന്ത്യവിധിയടക്കം 4 ദിവസത്തെ അവധി ലഭിക്കും.ഡിസംബര് 2, 3 തീയതികളില് തിങ്കള്, ചൊവ്വ ദിവസങ്ങളില് പൊതുമേഖലയില് ജോലി ചെയ്യുന്നവര്ക്ക് ശമ്പളത്തോടെയുള്ള അവധിയായിരിക്കുമെന്ന് യുഎഇ സര്ക്കാര് അറിയിച്ചു.ശനി-ഞായർ വാരാന്ത്യവിധികൂടി പരിഗണിക്കുമ്പോൾ , ദേശീയ ദിന ഇടവേള നാല് ദിവസത്തെ വാരാന്ത്യമായി മാറും.മന്ത്രാലയങ്ങളിലെയും ഫെഡറൽ സ്ഥാപനങ്ങളിലെയും അവധി കഴിഞ്ഞ് പതിവ് ജോലി സമയം ഡിസംബർ 4 ബുധനാഴ്ച പുനരാരംഭിക്കുമെന്ന് സർക്കാർ അറിയിച്ചു.പൊതു, സ്വകാര്യ മേഖലയിലെ തൊഴിലാളികൾക്കായി രാജ്യത്ത് നടപ്പാക്കിയ ഏകീകൃത അവധിക്കാല നയം എല്ലാ ജീവനക്കാർക്കും വർഷം മുഴുവൻ തുല്യ എണ്ണം ഇടവേളകൾ ലഭിക്കുന്നുവെന്ന് ഉറപ്പാക്കുന്നു.1971 ൽ എമിറേറ്റുകളുടെ ഏകീകരണം ആഘോഷിക്കുന്നതിനായി എല്ലാ വർഷവും ഡിസംബർ 2 ന് യുഎഇ ദേശീയ ദിനം ആഘോഷിച്ച് വരികയാണ് . ഈ വര് ഷം യുഎഇയുടെ 53 ആം വാർഷികമാണ് .ഇത്തവണ ഈദ് അൽ ഇത്തിഹാദ് എന്നപേരിലാണ് ആഘോഷങ്ങൾ നടക്കുക .