അബുദാബി: അബുദാബി കിരീടാവകാശിയും യുഎഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ഷെയ്ഖ് മുഹമ്മദ് ബിൻ സായിദിനെ അഭിനന്ദിച്ച ലോകാരോഗ്യ സംഘടനയുടെ ഡയറക്ടർ ജനറൽ ടെഡ്രോസ് അദാനോം. പോളിയോ നിർമാർജനം ലക്ഷ്യമിട്ടുള്ള ആഗോള ശ്രമങ്ങൾക്ക് നൽകിയ സമഗ്ര സംഭാവനയ്ക്കും പിന്തുണയ്ക്കണ് അഭിന്ദനം.
ഉന്നതനായ ഷെയ്ഖ് മുഹമ്മദ് ബിൻ സായിദിന് ആത്മാർത്ഥമായ നന്ദിയും കടപ്പാടും അറിയിക്കുന്നു. ഈ ലക്ഷ്യം കൈവരിക്കാൻ നിങ്ങളെപ്പോലുള്ള പങ്കാളികളിലൂടെ മാത്രമേ കഴിയൂ. ഒക്ടോബർ 24 ന് അടയാളപ്പെടുത്തിയ ലോക പോളിയോ ദിനത്തോടനുബന്ധിച്ചു ട്വീറ്റിലൂടെയാണ് അഭിനന്ദനം അറിയിച്ചത്.
ഭാവിതലമുറ പോളിയോ വിമുക്തമായ ഒരു ലോകത്തിനായുള്ള ആഗോള ശ്രമങ്ങളെ ഉയർത്തിക്കാട്ടുന്നതിനും ലോകത്തിന്റെ എല്ലാ കോണുകളിൽ നിന്നും പോളിയോ നിർമാർജനം ചെയ്യുന്നതിനുള്ള പോരാട്ടത്തിൽ മുൻ‌നിരയിലുള്ളവരുടെ അശ്രാന്തമായ സംഭാവനകളെ ബഹുമാനിക്കുന്നതിന് ലോക പോളിയോ ദിനം അവസരമൊരുക്കുന്നു.
