ദുബായ് : ദുബായുടെ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ) നിരവധി തന്ത്രപ്രധാന പങ്കാളികളുമായി സഹകരിച്ച് ഒരു മൾട്ടി-ഇവന്റ് ട്രാഫിക് ഔട്ട്‌റീച്ച് കാമ്പെയ്‌ൻ ആരംഭിച്ചു. കാൽനടയാത്രക്കാരുടെ സുരക്ഷയ്ക്കായാണ് ‘നിങ്ങളുടെ ജീവൻ വിലപ്പെട്ടതാണ്, സുരക്ഷിതമായി കടന്നുപോകുക’ എന്ന പ്രമേയത്തിൽ കാമ്പയിൻ ആരംഭിച്ചിരിക്കുന്നത്.
വിദ്യാഭ്യാസ മന്ത്രാലയം, ദുബായ് പോലീസ്,പെർമെനന്റ് കമ്മിറ്റി ഓഫ് ലേബർ അഫയേഴ്സ്, നോളഡ്ജ് ആൻഡ് ഹ്യൂമൺ ഡെവലപ്മെന്റ് അതോറിറ്റി എന്നിവയുൾപ്പെടെ നിരവധി തന്ത്രപ്രധാന പങ്കാളികളുമായി സഹകരിച്ച് 2022-ൽ RTA ആസൂത്രണം ചെയ്തിരിക്കുന്ന നാല് ഔട്ട്‌റീച്ച് കാമ്പെയ്‌നുകളിൽ ഒന്നാണ് ഈ കാൽനട സുരക്ഷാ കാമ്പെയ്‌നെന്ന് RTA, ട്രാഫിക് ആൻഡ് റോഡ്‌സ് ഏജൻസി സിഇഒ മൈത ബിൻ അദായി പറഞ്ഞു. എമിറേറ്റ്‌സ് ജനറൽ പെട്രോളിയം കോർപ്പറേഷനും (ഇമാറാത്ത്) അൽമറൈ കമ്പനിയും ചേർന്നാണ് കാമ്പെയ്‌ൻ സ്‌പോൺസർ ചെയ്യുന്നത്.
ട്രാഫിക് സംബന്ധമായ മരണങ്ങളുടെയും പരിക്കുകളുടെയും എണ്ണം കുറയ്ക്കാനും സുരക്ഷാ ക്രമീകരണങ്ങൾ മെച്ചപ്പെടുത്താനും കാമ്പയിൻ ലക്ഷ്യമിടുന്നു.
തൊഴിലാളികൾ, വാഹനമോടിക്കുന്നവർ, വിദ്യാർത്ഥികൾ എന്നിങ്ങനെയുള്ള കമ്മ്യൂണിറ്റി വിഭാഗങ്ങളുടെ വിശാലമായ സ്പെക്ട്രത്തെ ലക്ഷ്യമിടുന്ന ഈ കാമ്പയിനിന്റെ മുഖ്യ അജണ്ടകൾ കാണാം
* റോഡുകൾ മുറിച്ചുകടക്കാനുള്ള കാൽനടയാത്രക്കാരുടെ അവകാശങ്ങളെ മാനിക്കാൻ വാഹനമോടിക്കുന്നവരെ പ്രേരിപ്പിക്കുന്ന സന്ദേശങ്ങൾ, ക്രോസിംഗിനായി നിയുക്തമാക്കിയിട്ടുള്ള സ്ഥലങ്ങളിൽ മാത്രം റോഡുകൾ മുറിച്ചുകടക്കുന്നതിനുള്ള തൊഴിലാളികൾക്ക് മുന്നറിയിപ്പ് നൽകുന്ന നുറുങ്ങുകൾ, വാഹനങ്ങളിലും റോഡുകളിലും ട്രാഫിക് സുരക്ഷാ നിയമങ്ങൾ പാലിക്കുന്നതിനെക്കുറിച്ച് വിദ്യാർത്ഥികൾക്ക് മാർഗ്ഗനിർദ്ദേശങ്ങളും നൽകും.
* ഈ സന്ദേശങ്ങൾ റേഡിയോകളിൽ പ്രക്ഷേപണം ചെയ്യും, ഔട്ട്ഡോർ സൈനേജുകളിലും സോഷ്യൽ മീഡിയകളിലും പ്രദർശിപ്പിക്കും, ജോലിസ്ഥലങ്ങളിലും തൊഴിലാളികളുടെ താമസസ്ഥലങ്ങളിലും നടക്കുന്ന പരിപാടികളിൽ പ്രദർശിപ്പിക്കും.
* പൊതു പാർക്കിംഗ് ഏരിയകളിൽ വാഹനമോടിക്കുന്നവർക്ക് കാൽനടയാത്രക്കാർക്ക്റോഡ് മുറിച്ചുകടക്കാനുള്ള അവരുടെ അവകാശത്തെ മാനിക്കുക, സ്കൂൾ സോണുകളെ സമീപിക്കുമ്പോൾ വേഗത കുറയ്ക്കുക, എന്നിവയെ പ്രേരിപ്പിക്കുന്ന ബോധവത്കരണ ലഘുലേഖകൾ വിതരണം ചെയ്യും.
* അറബി, ഹിന്ദു, ഉറുദു, ഇംഗ്ലീഷ് എന്നിങ്ങനെ വിവിധ ഭാഷകളിൽ കാമ്പയിൻ ആരംഭിക്കും.
