എക്സ്പോ ഇന്ത്യ പവിലിയൻ നാളെ വൈകിട്ട് 6ന് േകന്ദ്ര വാണിജ്യ-വ്യവസായ മന്ത്രി പിയൂഷ് ഗോയൽ ഉദ്ഘാടനം ചെയ്യും. നയതന്ത്ര പ്രതിനിധികൾ ഉൾപ്പെടെയുള്ള ഉന്നത ഉദ്യോഗസ്ഥർ പങ്കെടുക്കും. തുടർന്നു കലാ-സാംസ്കാരിക പരിപാടികൾ അരങ്ങേറും.
ഇന്ത്യയുടെ 75ാം സ്വാതന്ത്ര്യ ദിനാഘോഷത്തോടനുബന്ധിച്ചുള്ള പരിപാടികൾ, യുഎഇയുടെ സുവർണ ജൂബിലിയാഘോഷം എന്നിവയിൽ ഏതെങ്കിലുമൊന്നിന് പ്രധാനമന്ത്രി നരേന്ദ്രമോദി എത്തുമെന്നാണ് പ്രതീക്ഷ.
വിവിധ സംസ്ഥാനങ്ങളുടെ പരിപാടികളോടനുബന്ധിച്ച് അതത് മുഖ്യമന്ത്രിമാരും എത്തും. മേളയിൽ കേരള പ്രാതിനിധ്യവുമുണ്ട്. എക്സ്പോയിലെ ഏറ്റവും വലിയ പവിലിയനുകളിലൊന്ന് ഇന്ത്യയുടേതാണ്. 11 പ്രമേയങ്ങളെ അടിസ്ഥാനമാക്കിയുള്ളതാണ് 4 നില പവിലിയനിലെ സോണുകൾ.
