ദുബായ്: എക്സ്പോ 2020 ദുബായിലേക്കുള്ള ടിക്കറ്റുകളുടെ വില പ്രഖ്യാപിച്ചു. സിംഗിൾ എൻട്രി ടിക്കറ്റിന് 95 ദിർഹവും ആറ് മാസത്തെ പാസിന് 495 ദിർഹവും ആണ് വിലവരുന്നത്.
വ്യാഴാഴ്ച നടന്ന മാധ്യമ സമ്മേളനത്തിലാണ് എക്സ്പോ അധികൃതർ വില വെളിപ്പെടുത്തിയത്.
എക്സ്പോ 2020 മെഗാ ഇവന്റ് 2021 ഒക്ടോബർ 1 മുതൽ 2022 മാർച്ച് 31 വരെ നടക്കും.
18 വയസ്സിന് താഴെയുള്ള സന്ദർശകരും ‘നിശ്ചയദാർഢ്യമുള്ള ആളുകൾക്കും’ എപ്പോൾ വേണമെങ്കിലും സൗജന്യമായി പ്രവേശിക്കാവുന്നതാണ്. അവരെ അനുഗമിക്കുന്ന വ്യക്തിക്ക് 50 ശതമാനം കിഴിവ് ലഭിക്കും.
195 ദിർഹം വിലയുള്ള മൾട്ടി എൻട്രി പാസുകളും മെഗാ ഇവന്റ് സന്ദർശിക്കാൻ ലഭ്യമാണ്.
