യുഎഇ: യുഎഇയിലെ കമ്പനികളെ സഹായിക്കുന്നതിനായി 5 ബില്യൺ ഡോളർ (18.35 ബില്യൺ ദിർഹം) വായ്പ നൽകുമെന്ന് എച്ച്എസ്ബിസി ബാങ്ക് അറിയിച്ചു. ആഗോളതലത്തിൽ തങ്ങളുടെ ബിസിനസുകൾ വളർത്തുന്നതിന് വികസിപ്പിച്ചെടുത്ത പദ്ധതികൾ നടപ്പിലാക്കാൻ പുതിയ മൂലധനം ആവശ്യമായതിനാലാണ് ബാങ്കിന്റെ ഈ തീരുമാനം.
രാജ്യം സുവർണ്ണ ജൂബിലി ആഘോഷിക്കുന്ന വർഷത്തിൽ, എച്ച്എസ്ബിസി 75 വർഷത്തോളമായി യുഎയിൽ ബിസിനസ്സിനായി വാതിൽ തുറക്കുന്ന ആദ്യ ബാങ്കായും അടയാളപ്പെടുത്തുന്നു. ഭാവിയിൽ ശക്തമായ യുഎഇ ബിസിനസുകളെ പിന്തുണയ്ക്കുന്നതിനായി ഒരു സംരംഭം ആരംഭിക്കേണ്ട സമയം അതിക്രമിച്ചിരിക്കുന്നു എന്ന് എച്ച്എസ്ബിസി യുഎഇ സിഇഒയും, ഇന്റർനാഷണൽ ഹെഡും ആയ അബ്ദുൾഫത്ത ഷറഫ് പറഞ്ഞു.
എച്ച്എസ്ബിസിയുടെ നാവിഗേറ്റർ 2020 റിപ്പോർട്ട് അനുസരിച്ച്, യുഎഇയിലെ 81 ശതമാനം കമ്പനികളും 2021 അവസാനത്തോടെ നിക്ഷേപ ചെലവ് വർദ്ധിപ്പിക്കാൻ ഉദ്ദേശിക്കുന്നു.90 ശതമാനം കമ്പനികളും ആഗോളതലത്തിൽ 72 ശതമാനത്തിൽ നിന്ന് 12-18 മാസത്തിനുള്ളിൽ അന്താരാഷ്ട്ര വ്യാപാരം വ്യാപിപ്പിക്കുമെന്ന് പ്രതീക്ഷിക്കുന്നു. ആഗോള ശരാശരിയായ 90 ശതമാനവുമായി താരതമ്യപ്പെടുത്തുമ്പോൾ, യുഎഇയിലെ 99 ശതമാനം കമ്പനികളും പരിസ്ഥിതി, ധാർമ്മിക, സുസ്ഥിര തന്ത്രങ്ങളിൽ നിക്ഷേപം വർദ്ധിപ്പിക്കുന്നതിലൂടെ നേട്ടമുണ്ടാക്കാനുള്ള അവസരങ്ങൾ കാണുന്നു എന്നും ഈ പഠനം കാണിക്കുന്നു.
യുഎഇ കമ്പനികൾ അന്താരാഷ്ട്ര തലത്തിലും സുസ്ഥിരമായും നിക്ഷേപം നടത്താൻ തയ്യാറാണെന്ന് ഗവേഷണങ്ങൾ വ്യെക്തമാക്കി.
ഇപ്പോൾ മുതൽ 2023 വരെയുള്ള ഞങ്ങളുടെ 5 ബില്യൺ ഡോളർ പ്രതിബദ്ധത, കമ്പനികൾക്ക് പുതിയ വ്യാപാര വിപണികളിൽ പ്രവേശിക്കാനും അവരുടെ വിതരണ ശൃംഖലകൾ നവീകരിക്കാനും, രാജ്യത്തിന്റെ ഭാവി വളർച്ചയെ രൂപപ്പെടുത്തുന്നതിൽ സജീവ പങ്കുവഹിക്കാനും ഉള്ള പദ്ധതികളെ പിന്തുണയ്ക്കുമെന്ന്
ഷറഫ് പറഞ്ഞു. സമ്പദ്‌വ്യവസ്ഥ സുസ്ഥിരവും ഡിജിറ്റലുമായി നയിക്കുന്ന ഭാവിയിലേക്കുള്ള പരിവർത്തനം തുടരുമ്പോൾ യുഎഇയിലെ ഉപഭോക്താക്കളുടെ അഭിലാഷങ്ങളെ പിന്തുണയ്ക്കുന്നതിന് അന്താരാഷ്ട്ര ശൃംഖലയും ബാലൻസ് ഷീറ്റും ഉപയോഗിക്കുമെന്ന് ഷറഫ് കൂട്ടിച്ചേർത്തു.
ഹരിത വായ്പ കിഴിവുകളും സർട്ടിഫിക്കേഷനുകളും, വാണിജ്യ സംബന്ധിയായ ആനുകൂല്യങ്ങളായ ഹരിത വ്യാപാര വിലയിരുത്തലുകളും സൗകര്യങ്ങളും ഉൾപ്പെടെയുള്ള ആനുകൂല്യങ്ങൾ മാനദണ്ഡങ്ങൾ പാലിക്കുന്ന ബിസിനസുകൾക്ക് വാഗ്ദാനം ചെയ്യും. മാനദണ്ഡങ്ങളുടെ പട്ടിക സംരംഭത്തിന്റെ വെബ്‌സൈറ്റിൽ ലഭ്യമാണ്.
കഴിഞ്ഞ 18 മാസത്തെ ബന്ധപ്പെട്ട നവീകരണവും വളർച്ചാ രീതികളും കണക്കിലെടുത്തുകൊണ്ട് കൃഷി, വിദ്യാഭ്യാസം, സാമ്പത്തിക സാങ്കേതികവിദ്യ, ഊർജ്ജം, ഹരിത ഗതാഗതം, ആരോഗ്യ സംരക്ഷണം, വ്യാപാരം, നഗര രൂപകൽപ്പന, മൊബിലിറ്റി മേഖലകളിലെ കമ്പനികളിൽ നിന്ന് അന്വേഷണം ലഭിക്കുമെന്ന് എച്ച്എസ്ബിസി പ്രതീക്ഷിക്കുന്നു.
