അബുദാബി വിമാനത്താവളത്തിൽ നാളെ മുതൽ കോവിഡ് റിസൽട്ട് 30 മിനിറ്റുകൊണ്ട്

അബുദാബി : അബുദാബി വിമാനത്താവളത്തിൽ നാളെ മുതൽ പിസിആർ ടെസ്റ്റ് ആരംഭിക്കുന്നു. ഇതോടെ കോവിഡ് പരിശോധന ഫലം 30 മിനിറ്റുകൾ കൊണ്ട് ലഭിക്കും. ടെർമിനൽ 3ൽ സജ്ജമാക്കിയ അത്യാധുനിക ലാബിൽനിന്നും യാത്രക്കാരുടെ സ്രവമെടുത് പരിശോധന നടത്തും. പരിശോധന ഫലം പോസിറ്റീവ്‌ ആകുന്നവരെ ഐസിലാഷനിലേക്കോ ക്വറന്റീനിലേക്കോ മാറ്റും. അബുദാബി വിമാനത്താവളത്തിൽ ഇറങ്ങുന്നവർക്ക് മാത്രമാണ് പരിശോധന. നടപടിക്രമങ്ങൾക്ക് ഏകദേശം 75 മുതൽ 90 മിനിറ്റ് വരെ സമയമെടുക്കും. ഈ സേവനം 24 മണിക്കൂറും ലഭ്യമാണ്.