ഇ-സ്‌കൂട്ടറും സൈക്കിളുകളും ഉൾപ്പെട്ട 254 റോഡപകടങ്ങൾ : 2024 ൽ 10 പേർ മരിച്ചതായി ദുബായ് പോലീസ്

ദുബായ് : ദുബായ് എമിറേറ്റിൽ 2024ൽ ഇ-സ്‌കൂട്ടറും സൈക്കിളുകളും ഉൾപ്പെട്ട 254 റോഡപകടങ്ങളിൽ 10 പേർ മരിക്കുകയും 259 പേർക്ക് പരിക്കേൽക്കുകയും ചെയ്തതായി ദുബായ് പോലീസ് വെളിപ്പെടുത്തി.പരിക്കേറ്റവരിൽ 17 പേർക്ക് സാരമായ പരിക്കുകളും 133 പേർക്ക് മിതമായ പരിക്കുകളും 109 പേർക്ക് നിസാര പരിക്കുകളുമുണ്ടായിട്ടുണ്ട്. ഈ ഭയാനകമായ കണക്കുകൾ, നഗരത്തിലുടനീളമുള്ള പ്രധാന മേഖലകളിൽ സൈക്കിൾ യാത്രക്കാർക്കും ഇ-സ്കൂട്ടർ ഉപയോക്താക്കൾക്കും സുരക്ഷ മെച്ചപ്പെടുത്തുന്നതിനും അവബോധം വളർത്തുന്നതിനും ലക്ഷ്യമിട്ടുള്ള സംയുക്ത കാമ്പെയ്‌നുകൾ ആരംഭിക്കാൻ ദുബായ് പോലീസിനെയും റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയെയും (RTA) പ്രേരിപ്പിച്ചിട്ടുണ്ട്.ദുബായ് മറീന, അൽ ബർഷ, അൽ റിഖ, അൽ മുറഖബാത്ത്, അൽ സത്വ, ഖാലിദ് ബിൻ അൽ വലീദ് സ്ട്രീറ്റ്, അൽ കരാമ എന്നിവിടങ്ങളാണ് കാമ്പെയ്‌നുകൾ ലക്ഷ്യമിടുന്നത്