മഴയ്ക്കായി പ്രാർത്ഥിച്ച് യുഎഇ നിവാസികൾ

ഓരോ തുള്ളിയും വിലപ്പെട്ടത്, യുഎഇ നിവാസികൾ മഴയ്ക്കായി പ്രാർത്ഥിച്ചു .ഇന്ന് ശനിയാഴ്ച ദുഹർ നമസ്‌കാരത്തിന് വളരെ മുമ്പുതന്നെ യുഎഇയിലെ നിരവധി മുസ്ലിങ്ങൾ പള്ളികളിലേക്ക് പോയി പ്രത്യേക പ്രാർത്ഥന നടത്തി .മഴയ്ക്കും പാപമോചനത്തിനും വേണ്ടി അല്ലാഹുവിൻ്റെ കാരുണ്യം തേടുന്ന ഒരു പ്രത്യേക പ്രാർത്ഥനയായ സലാത്തുൽ ഇസ്തിസ്‌കാ അർപ്പിക്കുകയായിരുന്നു ഇന്നത്തെ ലക്ഷ്യം.പ്രാർത്ഥനയ്ക്കിടെ വിശ്വാസികൾ ആകാശത്തേക്ക് കൈകൾ ഉയർത്തി, മഴയ്ക്കും ഭൂമിയുടെ അനുഗ്രഹത്തിനും വേണ്ടി അല്ലാഹുവിൻ്റെ കാരുണ്യം തേടി.ഈ മാസം ആദ്യം, പ്രസിഡൻറ് ഷെയ്ഖ് മുഹമ്മദ് രാജ്യത്തുടനീളമുള്ള പള്ളികളിൽ മഴയ്ക്കായി പ്രാർത്ഥന നടത്താൻ നിർദ്ദേശിച്ചിരുന്നു