അബുദാബി: അബുദാബി ബിഗ് ടിക്കറ്റിന്റെ 20 മില്ല്യൺ ദിർഹത്തിന് അർഹനായി പ്രവാസി മലയാളിയായ കോഴിക്കോട് ജില്ലയിലെ അബ്ദുൽ സലാം. എൻ.വി.
ഞായറാഴ്ച ടിക്കറ്റ് ഫലപ്രഖ്യാപനം നടത്തിയെങ്കിലും വിജയിയെ അറിയിക്കാൻ സാധിക്കാതെ ബുദ്ധിമുട്ടുകയായിരുന്നു ബിഗ് ടിക്കറ്റ് സംഘാടകർ. മണിക്കൂറുകൾ നീണ്ടു നിന്ന അന്വേഷണങ്ങൾക്ക് ശേഷമാണ് വിജയിയെ കണ്ടെത്തിയത്.
ആറ് വർഷത്തിലേറെയായി മസ്കത്തിൽ ഷോപ്പിംഗ് സെന്റർ നടത്തിവരികയാണ് അബ്ദുസ്സലാം. മസ്കത്തിൽ താമസക്കാരനായ ഇവർ നൽകിയ മൊബൈൽ നമ്പറിലെ പിശകാണ് സംഘാടകരെ കുഴപ്പത്തിലാക്കാൻ കാരണമായത്.
ഡിസംബർ 29നാണ് 323601 എന്ന നമ്പർ അബ്ദുസ്സലാം തന്റെ ജീവിതത്തിലെ ഭാഗ്യ പരീക്ഷണമായി തിരഞ്ഞെടുത്തത്. ഇതിന് മുമ്പും പലതവണയും ടിക്കറ്റ് എടുത്തിരുന്നുവെങ്കിലും അതിലൊന്നും ഭാഗ്യം തുണച്ചിരുന്നില്ല
