ഷാർജ: ഗവൺമെന്റ് അതിന്റെ കീഴിൽ പ്രവർത്തിക്കുന്ന റെഡ് ക്രസന്റ് വഴി തുർക്കിയിലേയും സിറിയയിലേയും ജനതയ്ക്ക് സ്വാന്തനവുമായി മുമ്പോട്ട് വന്നപ്പോൾ അതിൽ ഒരു കൈ സഹായം നൽകാൻ ഷാർജ കെ എം സി സി കാസറഗോഡ് മണ്ഡലം ആദ്യമായി തന്നെ മുമ്പോട്ട് വരികയും 75000 ൽ കൂടുതൽ ദിർഹമിന്റെ അത്യാവശ്യ സാധനങ്ങൾ നൽകി ഈ വലിയ ഉദ്യാമത്തിൽ പങ്കാളികളായതും സർവ്വരാൽ പ്രശംസിക്കപ്പെടുകയും മറ്റു സംഘടനകൾക്ക് മാതൃകയാവുകയും ചെയ്തു.
ചുരുങ്ങിയ ദിവസങ്ങൾ കൊണ്ട് ചെയ്ത ഈ വലിയ പദ്ധതിക്ക് കാസറഗോഡ് മണ്ഡലത്തിൽ നിന്നുള്ള യു എ ഇ,കെ എം സി സി കേന്ദ്ര ട്രഷറർ നിസ്സാർ തളങ്കര നേതൃത്വം നൽകിയപ്പോൾ, മണ്ഡലം പ്രസിഡന്റ് മഹമൂദ് എരിയാൽ,ജനറൽ സെക്രട്ടറി റിയാസ് ചെർക്കള ,ട്രഷറർ ജലീൽ തളങ്കര തുടങ്ങിയവരോടൊപ്പം മണ്ഡലത്തിൽ നിന്നുള്ള ജില്ലാ നേതാക്കളായ മാഹിൻ ബാതിഷ,ശരീഫ് പൈക്ക തുടങ്ങിയവർക്ക് പുറമെ നേതാക്കളായ ഷാഫി കുന്നിൽ,ശരീഫ് എം എസ് പ്രവർത്തനങ്ങൾക്ക് നേതൃത്വം നൽകി
ഷാർജ അൽ ബുഹൈറയിൽ ഉള്ള റെഡ് ക്രസന്റിന്റെ ടെന്റിൽ വെച്ച് കേന്ദ്ര ട്രഷററും,മണ്ഡലം,ജില്ല,സംസ്ഥാന നേതാക്കളും ചേർന്ന് സാധനങ്ങൾ അധികാരികൾക്ക് കൈമാറി
